• USD 378.65
  • EUR 430.07
  • RUB 6
  • CNY 55.1
26 Tamyz, 15:59:16
Nyǵmatýlın Parlamenttiń qos palatasyn birlesken otyrysqa shaqyrdy

13 Maýsym, 2019 Saıasat

Rasýl Jumaly: Ámirjan myrza eshkimdi satqan joq

Aınalaıynym-aý, kimge satty, qalaı satty? Satsa, onysy úshin nendeı náfáqa alypty? Men biletin Ámirjan myrza, bul dodadan keıin ysylyp-qaırattanǵany bolmasa, sol baıaǵy adal da qarapaıym, halqym dep zarlaǵan Ámirjan

Ashý kelse, aqyl keter degen. Árıne saılaýdan keıingi eldiń ókpesi men renishi, yzasy men narazylyǵy tolyq negizdi. Oǵan esh daý joq. Jáne másele tek saılaý qorytyndylarynda ǵana emes, Qazaq qoǵamynda talaı jyldan beri sheshilmeı kele jatqan bylyqtarda jatyr. Biraq ózimiz ózimizge "ne boldy" jáne "budan keıin ne bolmaq" degen suraqqa jaýap bereıikshi. Áldekim qalt ketse, ony jabylyp tepkiniń astyna alatyn jaman ádetten arylý kerek.

Tek meniń oıymsha Ámirjan Qosanov qalt ketken joq. Nelikten deısiz ǵoı? Aldymen kóptegen azamattar Ámirjan Qosanov bizdiń senimdi satyp ketti degennen bastaıyq. Aınalaıynym-aý, kimge satty, qalaı satty? Satsa, onysy úshin nendeı náfáqa alypty? Men biletin Ámirjan myrza, bul dodadan keıin ysylyp-qaırattanǵany bolmasa, sol baıaǵy adal da qarapaıym, halqym dep zarlaǵan Ámirjan. Bir aı uıqy kórmeı qaljyraǵannan, kóptegen serikteriniń soqqysynan qynjylystan, tósek tartyp jatqan anasynanyń janynan tabyla almaı sary ýaıymnan basqa ne kórdi osy kúnderi?

Saılaý nátıjesin ekzıtpoldan soń moıyndap qoıdy dep kiná taǵady bireý. Sonda resmı nátıjeden keıin moıyndasa, basqasha bolar ma edi? Al saılaýshylardyń daýysy urlansa, oǵan kináliler ishinde Ámirjandy eń sońǵy orynda atar edim. О́ıtkeni ondaı qylmysqa barǵan ol emes, baqylaýshylardy shektegen ol emes, saılaýǵa qatyspa dep úgittegen qaıta ol emes. Olaı bolsa, halyqty kóshege nege shaqyrmady deıdi keı aǵaıyn. Al shaqyrdy delik. Ol úndeýge qanshańyz sóz emes, is júzinde atsalysar edińiz? Bılik te op-ońaı moıyn usynady dep kim aıtty? Al endi is nasyrǵa shapsa, jaýapkershilikti moıynyna qaısyńyz alar edińiz? Sondyqtan Ábekeńniń osy rettegi ustamdylyǵyn óz basym álsizdikke ıá arzanqoldy saıasatkerlikke emes, tolysqan, bolashaqty oılaıtyn kemeńgerlikke balaımyn.

Ámirjanǵa árkimniń kózqarasy árqıly bolýy múmkin. Alaıda bireýge unasyn-unamasyn sońǵy jıyrma jylda Qazaqtyń basyn biriktirgen, oppozısııany zańdastyrǵan Ámirjan faktory boldy. Áıtpese basqa jol silteýshiler bolsa, qaıda qaldy sheshýshi sátte? Eń bolmasa osyny moıyndasaq netti. Endi baryp osy upaıdy enshilep artyrý ornyna qaıta qaq jarylyp otyrǵan túrimiz. О́kinishti.

Rasýl Jumalynyń feısbýk paraqshasynan alyndy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir