Eldiń tynyshtyǵy qashanda baǵaly

Narazylyq sharalaryna qatysty óner qaıratkerleri de ún qosyp, eldegi tynyshtyqty saqtaýǵa shaqyrdy dep habarlaıdy Qamshy.kz aqparat agenttigi. 

Álibek Asqarov,  aqyn: 

Almaty men Nur-sultan qalalarynda bolyp jatqan jaǵdaılar otandastarymyzdy tereń tolǵandyrýda. Bul oqıǵalar beıjaı qaraıtyn jaǵdaı emes. Árkez Otanymyz tynysh, Táýelsizdigimiz baıandy bolsyn dep tileımiz. Eldiń tynyshtyǵy qashanda baǵaly. Kimde kim bolsyn, balalarymyzdyń, nemerelerimizdiń bolashaǵy, zamany tynysh bolsa eken deımiz. Biz táýel­sizdigimizdi alǵanymyzǵa 28 jyl boldy. Osy ýaqytta biz ózimizdiń bostandy­ǵymyzǵa, qaýipsizdigimizge, demokratııaǵa qol jetkizdik. Eń bastysy, biz ósip-jetildik. 

Kúnsulý Shaıahmetova, teatr jáne kıno aktrısasy:

Saılaýdan keıin bolǵan jaǵymsyz oqıǵalar jurttyń ábigerin týǵyzdy. Endi ótken ótti, bolǵan is boldy. Nege mundaı oqıǵa oryn aldy? Bizdi bul suraq alda da talaı oılandyrary anyq. Endigi jerde, Qazaqstan halqy birligimizdi nyǵaıtyp, elimizdiń búgingisi, bolashaǵy, urpaqtarymyzdyń keleshegi úshin elde birlik pen beıbit ómir bolýyna birkisideı kúsh jumsaýymyz kerek. Teq qana ómiri beıbit, birligi jarasqan elde ǵana halyqtyń ál-aýqaty kóterilip, alǵa jyljıdy.