Toqaev qyrǵyz asty

Qazaqstan prezıdenti Qasym-Jomart Toqaev Qyrǵyzstannyń prezıdenti Sooronbaı Jeenbekovpen kezdesti dep jazady Qamshy.kz aqparat agenttigi Akorda.kz-ke silteme jasap.

Kezdesýde Toqaev óziniń Qazaqstan Respýblıkasy prezıdenti qyzmetine resmı kiriskennen keıingi alǵashqy saparyn Qyrǵyz Respýblıkasynan bastaǵanynyń sımvoldyq máni baryn aıtyp, jyly qabyldaǵanyna rızashylyǵyn bildirdi.

"Ulyqtaý rásiminen keıin Bishkek qalasynda kezdesýimiz – jaqsylyqtyń nyshany. Biz jaqynda Nur-Sultan qalasynda kezdesip, eki jaqty yntymaqtastyqtyń birqatar máselelerin talqyladyq. Bizdiń qazirgi mindetimiz – sol kelisimderdi júzege asyrý", – dedi Qazaqstan Prezıdenti.

Al Sooronbaı Jeenbekov Toqaevty saılaýdaǵy jeńisimen quttyqtap, budan ári de eki eldiń qarym-qatynastarynyń nyǵaıa túsetinine senim bildirdi.

Taraptar aldaǵy Shanhaı yntymaqtastyq uıymy sammıtiniń kún tártibi boıynsha pikir almasty.

Toqaev Shanhaı Yntymaqtastyq Uıymyna múshe memleketter basshylarynyń shaǵyn jáne keńeıtilgen quramda ótetin otyrystaryna qatysady. Sammıt qorytyndysy boıynsha birqatar qujattarǵa qol qoıylady jáne qabyldanady dep josparlanýda.

Sonymen qatar, Toqaev birqatar ekijaqty kezdesýler, sonyń ishinde Qyrǵyz Respýblıkasynyń Prezıdenti Sooronbaı Jeenbekovpen, QHR Tóraǵasy Sı Szınpınmen, sondaı-aq, Aýǵanstan Islam Respýblıkasynyń Prezıdenti Muhammed Ashraf Ǵanımen ekijaqty kezdesýler ótkizedi.