• USD 468.56

  • EUR 497.56

  • RUB 7.3

  • CNY 67.18

29 Naýryz, 12:35:15
Almaty
+35°

Elimizdiń tanymal ánshisi Qaırat Nurtas ózine aıtylǵan syndar men pikirlerge jaýap berdi. Ol óz paraqshasyna kimge daýys bergenin jáne qaı partııanyń deleganty ekenin de ashyp jazǵan.

"QR azamaty retinde, 4 balanyń ákesi retinde eldi tatýlyqqa shaqyrǵanyma, "kloýn", "ekijúzdi" degen sózderdi, tipti namysyma tıetin sózderdi jazypty. Iıa, men Nur Otannyń delegatymyn. Iıa, men Toqaevqa daýys berdim, sebebi ol kisiden basqa laıyqty kandıdat kórmedim. Iıa, men Nur Otannyń sezinde án aıttym, óıtkeni men ánshimin. Egerde ol jaqqa tyǵylyp baryp, ınstagramda basqasha sóılep otyrsam,áńgime basqasha bolar edi. Men eshkimnen eshteńeni jasyrǵan emespin. Men aldyńǵy kúni Úkimetten sherýde qamalǵandardy bosatýyn suraǵan bolatynmyn, minekeı keshe Qasymjomart Kemeluly barlyq sherýde qamalǵandardy zańǵa sáıkes bosatýdy buıyrdy. Bulda bir muzdyń qozǵalǵany. Bul dúnıe de barlyq nárse Allanyń qalaýymen bolady. Men saıasatker emespin, men qolynda bılik bar adam emespin. Biraq maǵan kelgen mıllıondaǵan xattarǵa baılanysty, xalyqtyń ýájin, amanatyn jetkizý paryzym. Qurmetti Qasymjomart Kemeluly! Sizdiń resmı túrde Prezıdent bolǵanyńyzben shyn júrekten quttyqtaımyn! Asa qurmetti Elbasymyz Nursultan Ábishuly senim artqannan keıin men Sizge senemin. Sizdiń qarapaıym ekenińizdi, xalyqqa jaqyn ekenińizdi de bilemin! Qazirgi áleýmettik jeli damyǵan zamanda, xalyqtyń bir ókili retinde, Sizge xalyqtyń amanatyn áleýmettik jelide jetkizýdi jón sanadym! Eń birinshi másele jastardyń jumyssyzdyǵy, jastar oqý bitirgen soń qaıda bararyn bilmeı qańǵyp júrgenderi az emes... Ekinshi másele, qarapaıym xalyqtyń alatyn aılyǵy óte az, kóp adamnyń ashynyp otyrǵany da osy másele... О́z sózimmen aıtqanda bylaı tartsam da jetpeıdi, bylaı tartsam da jetpeıdiniń kúıin keship otyr. Osy máselelerdiń oń sheshimin tabatynyna kúmánim joq. Bıylǵy 2019 jyl Jastar jyly bolýyna baılanysty jastardy qoldaýyńyzdy jáne de Nur Otannyń delegaty retinde, jastardyń bir ókili retinde meni qabyldaýyńyzdy suraımyn! Eshbir qazaqtyń jylamaǵanyn Sizde, mende qalaımyz! Úlken raqmet!"

Derekkóz: Qaırat Nurtastyń Instagram paraqshasy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir