• USD 378.65
  • EUR 430.07
  • RUB 6
  • CNY 55.1
21 Tamyz, 09:36:36
Alpınısterdiń naqty qaı jerde ekeni áli belgisiz

13 Maýsym, 2019 NEWS

Máýlen Áshimbaev: Birtutas ult bolyp qalý – bizdiń basty baǵdarymyz

"Nur Otan" partııasy Tóraǵasynyń Birinshi orynbasary ulyqtaý rásiminde Qazaqstan Prezıdenti Qasym-Jomart Toqaev atap kórsetken bılik pen azamattyq qoǵam arasyndaǵy dıalogty damytý máselesine nazar aýdardy.

"Nur Otan" partııasy Tóraǵasynyń Birinshi orynbasary Máýlen Áshimbaev qoǵamnyń barlyq ókilderin dıalogqa shaqyryp, birigip áreket etsek qana maqsattarymyzǵa qol jetkizetinimizdi qadap aıtty dep habarlaıdy Qamshy.kz aqparat agenttigi.

Áshimbaev bul týraly  Demokratııalyq kúshterdiń "Qazaqstan-2050" jalpyulttyq koalısııasynyń otyrysynda aıtty.

Atalǵan is-sharada Koalısııa músheleri Qazaqstan Prezıdenti Qasym-Jomart Toqaev anyqtap bergen el damýynyń naqty baǵyttary men aldymyzǵa qoıǵan jańa mindetterine qoldaý bildirdi.

Máýlen Áshimbaev aldymen Qazaqstannyń damýdyń jańa dáýirine qadam basqanyn aıtty. Sondaı-aq ol elimizde bolyp jatqan saıası ózgeristerdiń zańǵa sáıkes ekenine nazar aýdardy. nýr otan

– Saılaýda qazaqstandyqtardyń basym bóligi óz daýystaryn Qasym-Jomart Kemeluly Toqaevqa berip, Elbasymyzdyń strategııalyq saıasatynyń sabaqtastyǵy men elimizdiń turaqty damýyn tańdady. Sonyń nátıjesinde Qazaqstanda joǵary bıliktiń aýysýy elimizdiń barlyq zańyna sáıkes júrgizildi. Bul – Qazaqstannyń ishki turaqtylyǵyn qamtamasyz etetin negizgi faktor, – dedi ol.

Sonymen qatar "Nur Otan" partııasy Tóraǵasynyń Birinshi orynbasary ulyqtaý rásiminde Qazaqstan Prezıdenti Qasym-Jomart Toqaev atap kórsetken bılik pen azamattyq qoǵam arasyndaǵy dıalogty damytý máselesine nazar aýdardy.

– Elimizde Prezıdent Jarlyǵymen Ulttyq qoǵamdyq senim keńesi quryldy. Bul – Qazaqstanda azamattyq qoǵamdy damytý jolynda jasalǵan naqty qadam. Memleket basshysy atap ótkendeı, birtutas ult bolyp qalý – bizdiń basty baǵdarymyz. Sondyqtan judyryqtaı jumylyp, qoǵamnyń barlyq ókilderin, sonyń ishinde jastardy da dıalogqa shaqyryp, birigip áreket etsek qana kózdegen maqsattarymyzǵa qol jetkizemiz, – dedi ol.

Otyrysqa eldegi jetekshi partııalardyń basshylary, Parlament depýtattary, Qazaqstan halqy Assambleıasynyń, kásibı jáne qoǵamdyq birlestikterdiń ókilderi qatysyp, óz pikirlerin bildirdi. Is-shara sońynda barsha qazaqstandyqtar men qoǵamdyq-saıası kúshterdi saılaýdan keıingi kezeńde elimizdiń strategııalyq maqsattary jolynda birigýge, Qazaqstan Prezıdentiniń el damýynyń ózekti máselelerine qatysty bılik pen azamattyq qoǵam arasynda turaqty jáne konstrýktıvti dıalog qurý bastamasyn qoldaýǵa shaqyrǵan Úndeý qabyldandy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir