• USD 378.65
  • EUR 430.07
  • RUB 6
  • CNY 55.1
22 Tamyz, 16:30:37
Senim údesinen shyqqan bank

13 Maýsym, 2019 Dástúr

Memlekettik qýyrshaq teatry halyqaralyq KÝKART festıvalinde óner kórsetedi!

Memlekettik qýyrshaq teatry – respýblıka tarıhyndaǵy tuńǵysh qýyrshaq teatry.

Memlekettik qýyrshaq teatry – respýblıka tarıhyndaǵy tuńǵysh qýyrshaq teatry. Qazaq jerinde ótken ǵasyrdyń basynda paıda bolǵan qara shańyraq búginde birneshe býyn jastardy tárbıelep, baldyrǵandardyń jan-jaqty azamat bolyp qalyptasýyna óz úlesin qosyp keledi.

84 jyldyq tarıhy bar teatr taıaq qýyrshaqtan bastap, búgingi zaman aǵymyna saı kúrdeli marıonetkalar, sońǵy úlgidegi tehnıkalyq-lazerli kórkemdeýlermen jabdyqtalǵan. Jańashyldyqqa jany qumar sahnanyń bul salasy, jalpy teatr ónerine júkteler qoǵamdyq salmaqty teń turǵyda kóterýde. Elimizde jáne shet elde ótken halyqaralyq, respýblıkalyq teatr festıvalderinde bıik belesterdi baǵyndyrǵan ujymnyń alǵa qoıǵan baǵyty men baǵdary da aıqyn. Ol – qazaqtyń qýyrshaq teatry ónerin órkendetý, keshegi men búgingi ómir arasyn ónerdiń bıik shyńy arqyly shynaıy kórsete bilý.

Osy maqsatta teatr ujymy aǵymdaǵy jyldyń 22-30 maýsym kúnderi aralyǵynda Reseıdegi XXV Halyqaralyq KÝKART qýyrshaq teatr festıvaline qatysady. Atalmysh festıval marıonet Evgenıı Demmen atyndaǵy Sankt-Peterbýrg teatrynyń 100 jyldyǵyna arnalmaq. Úzdikter bas qosatyn óner ordalarynyń qatarynda Memlekettik qýyrshaq teatrynyń atynan «ANA JÚREGI» (avtory: E.Ionov, rejısseri: A.Zaısev) dramalyq qoıylymy baq synaıdy. Bul – bizdiń ujym úshin zor jetistik. Spektakldiń taqyryby men kórermenge berer oıy, mazmuny men mańyzy erekshe.

Qanshama ǵasyr ótse de, ómirdiń kiltin ustap turǵan «ana» men «bala» uǵymy eshqashan qundylyǵyn joǵaltqan emes. Ana balaǵa, bala anaǵa táýeldi. Biraq, búgingi zamanda biz bul túsinikti qalaı qabyldaımyz?!. Mine, osy saýalǵa jaýap izdeıtin qoıylym qýyrshaqtar beınesinde til qatyp, kórermenge erekshe áser qaldyratyny anyq. Qoıylymdaǵy ana rolin aktrısa T.Tleýlıeva, bala beınesin R.Abý sahnalaıdy.

KÝKART Halyqaralyq qýyrshaq festıvali 1993 jyldan beri ótkizilip kele jatqan qaıyrymdylyq baǵyttaǵy kommersııalyq emes jalǵyz festıval. Túrli elder men halyqtar arasyndaǵy mádenı kópirge aınalǵan bıylǵy festıvalde Evropanyń Shvesııa, Ispanııa, Germanııa, Polsha, Belgııa, Bolgarııa jáne TMD-dan Belarýs, Qazaqstan memleketteriniń óner oshaqtary óz qoıylymdaryn festıval qatysýshylary men sarapshylarynyń nazaryna usynady. О́ner merekesiniń baǵdarlamasy dástúrli úsh baǵyttan turady: negizgi, arnaıy jáne klýbtyq qoıylymdar. Memlekettik qýyrshaq teatrynyń «Ana júregi» qoıylymy negizgi baǵdarlamaǵa engen. Spektrakl 24 maýsym kúni Zazerkale teatrynyń sahnasynda qoıylady. Teatr festıvaliniń basty maqsaty – qýyrshaq teatry óneriniń álemdik keńistikte damý jolyn saqtaı otyryp, ár eldiń repertýar saıasatymen keńinen tanysý, óner oshaqtarynyń shyǵarmashylyq tynysyn baǵamdaý.

Festıval aıasynda negizgi baǵdarlamadaǵy 52 qoıylymdardyń kórsetiliminen tys festıval qatysýshylarynyń arasynda dóńgelek ústelder men sheberlik saǵattary, t.b. sharalar uıymdastyrylý josparlanýda.

TeatrTeatrTeatr

Teatr

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir