• USD 378.65
  • EUR 430.07
  • RUB 6
  • CNY 55.1
20 Tamyz, 03:25:16
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

13 Maýsym, 2019 NEWS

Búgin - Denıs Tenniń týǵan kúni . Halqy qyrshyn ketken sportshyǵa qandaı qurmet kórsetpek?

Buıdasyn ajal erte ustaǵan ataqty sportshy tiri bolǵanda búgin 26 jasqa tolar edi...

 

Almaty qalasyndaǵy K. Baıseıitov jáne Qurmanǵazy kósheleriniń qıylysynda sportshynyń týǵan kúnine oraı arnaıy memorıaldyń ashylý saltanaty ótýi tıis bolǵan dep habarlaıdy Qamshy.kz aqparat agenttigi Caravan.kz saıtyna silteme jasap.

Bekitilgen ýaqytta atalǵan meken-jaıǵa jýrnalıster men qala turǵyndary jıylǵan. Maqsattary – mezgilsiz ajal qushqan Olımpıada chempıonynyń eskertkishine gúl shoqtaryn qoıý.

Desek te, sportshy eskertkishine gúl qoıý úshin kelgenderdi memorıal orynynda jóndeý jumystary qarsy aldy.

Keıin belgili bolǵandaı, elimizdegi sońǵy jaǵdaılarǵa baılanysty memorıaldyń ashylý saltanaty 17-maýsymǵa aýystyrylǵan.

Eske sala keteıik, qazaqstandyq mánerlep syrǵanaýshy Denıs Ten ótken jyldyń 19-shildesinde kezdeısoq jaǵdaıda qylmyskerler qolynan qaza tapty. Kólik aınasyn urlamaq bolǵan qaskóılerdi toqtatpaq bolǵan sportshy aýyr jaraqat alady. Jumsalǵan pyshaq sportshynyń tamyryn kesip jiberip, jaraqat saldarynan Olımpıada chempıony qaıtys bolǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir