IIM zańsyz mıtıngte qansha adam ustalǵanyn aıtty

Búgin Ortalyq kommýnıkasııalar qyzmetinde ótken brıfıngte Bas prokýratýra men Ishki ister mınıstrliginiń ókilderi eldegi quqyqtyq tártiptiń jaı-kúıi týraly aıtty dep habarlaıdy Qamshy.kz aqparat agenttigi. 

О́z sózinde Bas prokýratýranyń Qyzmet bastyǵy Saparbek Nurpeıisov prokýratýra birneshe ret eskertýine qaramastan, jekelegen adamdar arandatýshylarǵa erip, mıtıngilerge shyǵyp, tártip saqshylaryna shabýyl jasaǵan. Nátıjesinde, úsh polısııa qyzmetkeri zaqymdandy. Bul rette osy áreketterge jaýap retinde polısııa qyzmetkerleri azamattarǵa arnaıy quraldar qoldanbaǵan. 

Spıker azamattardyń tynyshtyǵyn qorǵaý úshin óreskel zań buzýshylardy polısııa bólimderine jetkizgendigin atap ótti. 

Zańsyz aksııaǵa qatysqany, polısııa qyzmetkerleriniń zańdy talaptaryna baǵynbaǵany úshin 957 adamdy sot ákimshilik jaýaptylyqqa tartty, onyń ishinde qamaýǵa alynǵany - 670, aıyppulǵa – 115 jáne 172 adamǵa eskertý jasaldy. 

12 maýsymda Memleket basshysy Bas Prokýrorǵa azamattardyń zańdy quqyqtaryn qamtamasyz etý boıynsha dereý sharalar qabyldaýdy tapsyrǵanyn eske salamyz. 

- Ustalǵan tulǵalardyń naqty sany men olardyń kiná deńgeıin anyqtaý qajet. Narazylyq ornynda kezdeısoq bolǵan kinásiz azamattar men tulǵalardy bosatý kerek,- dedi Qasym-Jomart Toqaev. 

Osyǵan baılanysty qadaǵalaý ókilettigi aıasynda prokýrorlar 311 adamǵa qatysty sotqa qamaý merzimin tómendetý týraly apellıasııalyq ótinish hat engizidi jáne ol qanaǵattandyryldy. 

Búginde arnaıy qabyldaý mekemelerinde 180 adam qamaýda jazasyn óteýde. 

Daıyndaǵan: Ildar Adılchenov