• USD 468.56

  • EUR 497.56

  • RUB 7.3

  • CNY 67.18

29 Naýryz, 08:57:20
Almaty
+35°

13 Maýsym, 2019 Aıtty-eı, baýyryń!

Muhamedjan Tazabek, oılaǵandaryńyz eldiń erteńi bolsa, Qudaıshylyǵyn aıtyńyz...

Oılaǵandaryńyz eldiń erteńi bolsa, qudaıshylyǵyn aıtyp, búgingi júıeniń, qoǵamnyń shynaıy beınesine tik qarap, árdaıym ádildik jaǵynda bolyńyzdar!

"Qurmetti Muhamedjan Tazabek, osy ýaqytqa deıingi jazbalaryńyzǵa, qoǵamdaǵy belsendiligińizge qarap, sizge birneshe suraq joldaǵym keledi.

Adamzatqa ortaq qundylyqtardy boıyna sińirgen adam, Qudaıyna sengen musylman aqty aq, qarany qara dep aıtady.

Birinshi suraq: Ádiletti patsha Omarlardan (r.a) úlgi alyp, din jolyn nasıhattaýshy, aqıqatty serik etken aqyn retinde ádiletsiz ótken saılaý jaıly nelikten jaq ashpaısyz? Onyń ádiletti ótýine at salysyp, daýysty urlap, Qasym-Jomart Toqaevqa topyrlatyp bıýlletenderdi salý-kúná ekenin nege eskertpeısiz?

Ekinshi suraq: Rınat Zaıyt aıtysker bolǵandyqtan bárimiz bostandyq suradyq. Osy ýaqytqa deıin elge tanylmasa da, ádildikti izdegen, jerimdi qorǵaımyn dep temir torǵa toǵytylǵan ár qazaq bizdiń baýyrymyz emes pe?!
Solarǵa nege arasha túse almaımyz? Bul tirlik adam balasyn alalaý emes pe?

Úshinshi suraq: Halyqtyń pikirin qajet etpeıtin, quqyǵyn shekteıtin elde kóshege jurt bir adamnyń sózimen alańǵa shyǵady dep oılaısyz ba? 
Eshkimge aqysyn jegizbegen, jerin jalǵa bergizbegen Alash jurty óz erkimen bas kótere almaıdy ma? Álde, aıtqanǵa kóne beretin, suqqanǵa buǵa beretin qarasha jurt qul bolǵany ma?

Tórtinshi suraq: Shynymen búlik týýdy qalamasańyzdar.Áleýmettik jeli de ǵana belsendi bolmaı, din mamandary, dindi nasıhattaýshy adamdar, keshegi bılershe, Armenııadaǵy din ókilderindeı halyq pen bıliktiń arasyn jaqyndatýǵa, eldiń arasynan, alańnan nege tabylmaısyzdar? Beıbit sherýge ruqsat alyp, ózderińizdi ósirgen jurttyń jan-aıqaıyn bılikke jetkizbeısizder me? Álde, joldyń jabylýy, jospardyń buzylýy ýaıym ba? Ádildik dep shyryldaǵan óz halqyńyzdy, qarııańyzdy, ul-qyzyńyzdy qorǵaý qaýipti bolsa, biz sonda qandaı damyǵan memlekette ómir súrip jatyrmyz?

Bıliktiń de qatesi bar shyǵar dep ústinen súıkeı salyp, qarapaıym halyqqa ǵana aqylshy bolý jumystaryńyzǵa aınalyp bara jatqan joq pa?О́zderińizdeı úlkenderge bir jaǵynan Áblıazov rahat boldy.El shyryldap shyqsa, bárin syrttaǵyǵa ergen búlikshi qyla salasyzdar.Biraq, umytpańyzdar! Jańaózende de, jer máselesinde de halyqty alyp shyqqan namysy men rýhy.

Siz de, biz de elimizdi damyǵan memleketterdiń qatarynan kórgimiz keledi ǵoı. О́rkenıetti elderde adamdardyń bir-birimen pikir almasýy,  óz oılaryn erkin aıta bilýi qaýipti jaǵdaı emes.Ol úshin kek te qýmaıdy eken.

Oılaǵandaryńyz eldiń erteńi bolsa, qudaıshylyǵyn aıtyp, búgingi júıeniń, qoǵamnyń shynaıy beınesine tik qarap, árdaıym ádildik jaǵynda bolyńyzdar!

Qaırat Nurqanat 12.06.2019  jyl",- dep jazypty Nurqanat Qaırat óziniń feısbýktegi jazbasynda.

 
 
 
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir