Mıllıarder—kásipker Maıkl Blýmberg: Qyzmetkerlerimniń bir de bireýinde, tipti meniń de jeke kabınetim joq

Maıkl Rýbens Blýmberg (aǵylsh. Michael Bloomberg) (14 aqpan 1942, Braıton, Boston aýdany, Massachýsets, AQSh) — kásipker jáne Nıý-Iorktiń 108-shi meri. Forbes nusqasynda ol álemdegi eń baı adamdar tizimine kiredi.  2018 jyldyń 5 mamyrdaǵy sanaq boıynsha Maıkl Blýmberg 50,4 mlrd dollar baılyǵymen 11-orynda. Ol Bloomberg aqparattyq agenttiginiń negizin qalaýshy ári qojaıyny.

Qamshy.kz aqparat agenttigi oqyrmandar nazaryna kásipkerdiń birneshe oı-túıinderin usynady.

*Eger memlekettik qyzmette jumysqa ornalasýdy oılastyryp júrgen bolsańyz, aldymen mıllıoner bolyp alýǵa keńes berer edim.  

*Ýaqyt ótken saıyn ómirde bárine: aqsha, sáttilik, ataq-dańq, bılik, halyqty moıyndaýyna qol jetkizgennen keıin, frýstrasııalyq kúıge túsip, bárin qaıtadan bastaǵym keledi.

(Túsindirme: Frýstrasııa - [lat. frustratio – aldaý, sátsizdik, aqtalmaǵan úmit ] - alǵa qoıǵan maqsattaryna jete almaǵan, josparlary kúl-talqan bolyp kúıregen adam basynan ótkeretin ýaıym, úreı bılegen psıhologııalyq jaı-kúı. 

*Eger siz ózimshil ıdealıst bolsańyz, al «men» jáne «maǵan» degen sózder tildik qoldanysyńyzda jıi paıdalanatyn sóz bolsa, endeshe, jetistikke jete almaıtynyńyzǵa kepildik beremin.  

*Kompanııamdaǵy adaldyqty  erekshe baǵalaımyn. Bizben birge emes jannyń bári avtomatty túrde qarsylasymyz bolady.

*Damyǵan saıyn Siz dóp tıgizý qıynǵa soǵatyn qozǵalystaǵy nysanaǵa aınalasyz. Damýdy toqtatqan boıda Sizdiń kózińizdi joıý op-ońaı bolady.

*Adamdar – kompanııamnyń eń keremet resýrsy.

*Qyzmetkerlerimniń bir de bireýinde, tipti meniń de jeke kabınetim joq.

*Kompanııamdaǵy bireý-mireý básekelesterim jaǵyna ótip ketse, ol adamnyń isi órge baspaýy úshin bar kúshimdi salamyn, qarap qalmaımyn.

*О́z isińdi damytý kezinde ártúrli kedergilerge jolyǵasyń. Sóıtip, olardy qıyndyq dep esepteısiń. Rasymen de solaı. Árqashan da shyǵar joldy izdeýiń kerek.