Baqytjan Saǵyntaev Qazaqstan prezıdenti ákimshiliginiń basshysy laýazymyna taǵaıyndaldy

Baqytjan Saǵyntaev Qazaqstan prezıdenti ákimshiliginiń basshysy qyzmetine qaıta taǵaıyndaldy dep habarlaıdy Qamshy.kz aqparat agenttigi Aqordanyń resmı saıtyna silteme jasap.

"Baqytjan Ábdiruly Saǵyntaev Qazaqstan Respýblıkasy prezıdenti ákimshiliginiń basshysy bolyp taǵaıyndalsyn", - dep jazylǵan jarlyqta.

Saǵyntaev bul qyzmetke 2019 jyldyń naýryzynda taǵaıyndalǵan edi. 12 maýsymda jańa memleket basshysy qyzmetine kiriskennen keıin memlekettik organ basshylarynyń ókilettigin toqtatpaı, olarǵa jańa taǵaıyndaýlarǵa deıin laýazymdyq mindetterin atqarýdy tapsyrdy.  

Baqytjan Saǵyntaev — 1963 jyly 13 qazanda Jambyl oblysynyń Talas aýdanyndaǵy Úsharal qalasynda dúnıege kelgen. 1985 jyly S.M.Kırov atyndaǵy Qazaq memlekettik ýnıversıtetiniń fılosofııa-ekonomıka fakýltetin bitirip, ekonomıst, saıası ekonomıka pániniń oqytýshysy bolyp shyqqan. Sol jyly Almaty halyq sharýashylyǵy ınstıtýtynda saıası ekonomıka kafedrasynyń oqytýshysy qyzmetine kiristi. Al úsh jyldan keıin Kırov atyndaǵy Qazaq memlekettik ýnıversıtetiniń áleýmettaný kafedrasynda assıstent, aǵa oqytýshy jáne dosent bolyp jumys istedi.

Saǵyntaev ár jyldary Jambyl oblysy ákiminiń orynbasary, tabıǵı monopolııalardy retteý agenttiginiń tóraǵasy, premer-mınıstri keńsesiniń jetekshisi, Pavlodar oblysynyń ákimi, Qazaqstannyń ekonomıkalyq damý jáne saýda mınıstri, "Nur Otan" partııasy tóraǵasynyń birinshi orynbasary, premer-mınıstrdiń birinshi orynbasary, Qazaqstannyń premer-mınıstri, memlekettik hatshy laýazymdaryn atqardy.

2019 jyldyń 24 naýryzynda Qazaqstan prezıdenti ákimshiliginiń basshysy qyzmetine taǵaıyndaldy.