• USD 383.43
  • EUR 429.83
  • RUB 5.96
  • CNY 55.39

12 Maýsym, 2019 Saıasat

Toqaev aıtqan Qoǵamdyq kelisim ulttyq keńesine kimder kirgeni durys?

Memleket basshysy elimizde jańa organnyń qurylatyny týraly málimdeme jasady. Ol - Qoǵamdyq kelisim ulttyq keńesi.

 Memleket basshysy Qasym-Jomart Toqaevtyń jarlyǵymen Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesi qurylatyn boldy. Qazir  Prezıdent ákimshiliginiń ókilderi  saıası partııalar, úkimettik emes uıym basshylarymen, azamattyq sektor jáne qoǵam belsendilerimen keńesti qurý jáne qalyptastyrý jóninde talqylaý ótkizýde.

Prezıdent Toqaev atap ótkendeı, jańa organ bılik pen qoǵam arasynda dıalog ornatý úshin qurylady. Keńeske jastardy qosa alǵanda barlyq qoǵam ókilderi qatysady. Prezıdent Toqaev Ulttyq qoǵamdyq senim keńesiniń alǵashqy otyrysy 2019 jyldyń tamyzynda ótetinin atap aıtty.

–Men Qoǵamdyq kelisim ulttyq keńesin qurýǵa sheshim qabyldadym. Keńes quramyna qoǵamdaǵy barsha taptyń ókilderi, sonymen qatar, jastar kiredi. Jańa organnyń alǵashqy otyrysy tamyz aıyna josparlanǵan. Bılik halyq aldyndaǵy ýádesin oryndaýy tıis, - dedi Prezıdent.

Sondaı-aq Qasym-Jomart Kemeluly "Astana Opera" teatrynyń ǵımaratynda ornalasqan saılaý ýchaskesine 9 maýsym kúni daýys berýge kelgen kúni de eldi aýyzbirshilikke shaqyryp, kez-kelgen oppozısııalyq kúshpen jáne jastarmen ashyq dıalog ótkizetinin taǵy málim etti.

– Men jastar sanatyna kiretinderdiń barlyǵy halqymyzdyń aldynda turǵan mańyzdy máselelerdi sheshý jolynda birigetinine senemin. Álem turaqsyz bolyp barady. Soǵan qaramastan, biz adamdardyń pikirine qurmetpen qaraımyz. Biz bılikke qarsy adamdarmen de, qoldaıtyndarmen de ashyq dıalog júrgizýge daıynbyz.  Keshirilmeıtin qylmystar da bolady, árıne. Biraq pikir aıtýǵa barlyǵy quqyly. Men jastardy bılik baǵytyna sabyrmen qaraýǵa shaqyramyn. Biz elimizdi damytý úshin bárimiz bir bolýymyz kerek, ashyq dıalogtar uıymdastyrýymyz kerek", - dedi prezıdent.

Shyndyǵynda da Qazaqstan halqynyń basym bóliginiń daýsyn alyp, qyzmetine kirisken Toqaevtyń bul bastamasy óte durys. Eldi mámilege shaqyrǵan Qasym-Jomarttyń bul bastamasy qoǵamnan qoldaý tapty. Qazirgi ýaqytta barlyq deńgeıde talqylaý jumystary júrgizilýde. Usynystar men pikirlerdi Prezıdent ákimshiliginiń ókilderi eskerýde. Árqaısysymen kezdesý ótkizýde. Bul árıne  elimizde azamattyq qoǵamdy qalyptastyrý men damytý úshin óte kerek.

Jastardan jańashyldyq kórip, olardyń memleketti damytýǵa qatysty pikirin bilip, sezip otyrǵan Toqaevtyń bul qadamy quptaýǵa turarlyq. Bul eldi jańasha qurýǵa arnalǵan betburys dep ataý kerek.

Durys. Qostaımyz. Biraq atalǵan keńestiń mártebesi qandaı bolýy kerek? Oǵan kimder kirgeni durys? Bul – eń basty másele. Taǵy oǵan qartaıǵan "qaıratkerler" kire me? Mundaı keńeske eldiń muń-muqtajy men  sózin aıtatyn halyq ókilderi enýi tıis. Tamyzda otyrysy bastalatyn keńes shyn máninde eldiń senimine ıe bolýy qajet. Bul keńeske aıtaryn aıtyp bolǵan bata bergish shaldar men kommýnızm dáýirin kórgen qarasaqaldardy múlde kirgizýge  bolmaıdy.

El jastary neni qalaıdy, orta býyndaǵy azamattardyń kózqarasy qandaı? Olar elimizdiń damýyn bolashaqty qalaı kórgisi keledi? Munyń barlyǵy keńeste ashyq talqylanyp qana qoımaı, taıaý bolashaqta júzege asýy qajet.  Sondyqtan bul keńeste halyqtyq ókilderdiń, kreatıvti jastardyń kóbirek bolǵany jón jáne talqylanǵan jaıttardyń júıelenip,  júzege asqany durys.

Mámileger saıasatker Prezıdent Toqaev aıtqan sózin oryndaıdy jáne keńeste talqylanatyn halyqtyq  pikirge qulaq asady dep oılaımyz.

 

Qate tapsańyz, qajetti bólikti tańdap ctrl+enter basyńyz.

Pikir qaldyrý

5 pikir

serikbaı 12 Maýsym, 2019

durys ózderiniń qamyn oılaıtyn kári depýtattar men qoldarynan jemqorlyqtan basqa túk kelmeıtin ákimder men mınıstrler bolmaýy kerek

Gýlnar 12 Maýsym, 2019

Pravılnoe mnenıe. V dannoe vremıa vozle Akımov postoıanno hodıat prıblıjennyh aksakaly, kotorye sozdaıýt mnenıe akıma o tom ılı ınom chelovek ılı polýchaıýt ego, kak deıstvovat. Prı etom onı deıstvýıýt v svoıh lıchnyh ınteresah: polýchıt zvanıe Pochıotnogo grajdanına ılı poprosıt "tıoploe" mesto dlıa svoıh deteı ı tomý podobnoe. Krıtıkı ot nıh ne ýslyshısh- odnı ody ı voshvalenııa. Eto prıvodıt k zastoıý na mestah. V takoı obstanovke talantam net dorogı. Skolko takıh lıýdeı postradalo ot takıh"sovetchıkov."

serikbaı 12 Maýsym, 2019

nazarbaev kimdi qoıady sol bolady qalǵany bári spektakl

Baqan 12 Maýsym, 2019

Keńes qurǵan durys. Oǵan shoraıaq jaǵympazdardy jolatýǵa bolmaıdy. Aqsaqal kerek pe aıtaıyn: amangeldi aıtaly, orazáli sábden, mánbet qoıgeldi, tolen ábdik, muhtar shahan, toqtar áýbákir, basqalarynyń jarasy jeńil, aıtbaqshy bekbolat tileýhan, qýanysh sultan sııaqty depýdattar kirip ketpesin, abaılańdar!!

Muqan 13 Maýsym, 2019

Q.Toqaev shyn nıetimen qazaqtyń qamyn oılaıtyn bolsa Senat pen Parlamentti qosyp tóraǵasyna Imanǵalı Tasmaǵambetovty, úkimet basyna M. Áblıazovty, Keńes músheligine Aman Tóleev sııaqty azamattardy tartý kerek.