• USD 468.56

  • EUR 497.56

  • RUB 7.3

  • CNY 67.18

29 Naýryz, 10:35:35
Almaty
+35°

12 Maýsym, 2019 Saıasat

Qazaqty uıqysynan kim oıatty?

Qazaq degen  ultty osy shekten shyqqan qatygezdigimen uıqysynan shoshytyp oıatqanyn bile me eken?

Matrısa.kz

Qazaqstandaǵy kezekten tys prezıdenttik saılaý kezinde, atap aıtqanda, 2019 jyldyń  9 – 12  maýsymy aralyǵyndaǵy eldegi barlyq kúshtik qurylym ataýlylardyń (polısııa, ásker,  sot, prokýratýra, UQK, t.b.) aıryqsha qyraǵylyq tanytyp, aı men kúnniń amanynda kóshege shyqqan barsha qazaqtyń bet-júzine qaramaı arnaıy kólikterge kúshtep toǵytýlary, olardyń kópshiligine aıyppuldar salýy, pálenbaı táýlikke qamaýlary artynda kim tur dep oılaısyzdar?..

Ýaqytsha prezıdenttik qyzmetti atqaryp júrgen Qasym-Jomart Toqaev áli tolyq prezıdent bolyp saılana qoıǵan da joq. Onsyz da ana «qudaıǵa» ımene ári jaltaqtaı qarap  otyrǵan jannyń óziniń qolynda emes kúsh qurylymdaryn óz halqyna dál anadaı deńgeıde aıdap salady degenge ázirge negiz de joq sııaqty edi.

О́z halqyna (onyń óz halqy bola qoısa?) sonshama qatygezdik tanytýdyń artynda bir ÚREIDIŃ turǵany anyq!..

Biraq, ábden qajyǵan, Qytaıǵa, basqaǵa esepsiz tonalǵan Qazaq degen  ultty ol osy shekten shyqqan qatygezdigimen uıqysynan shoshytyp oıatqanyn bile me eken?

Bul joly bizdiń «qoıdan jýas» qazaqtyń otyz jylǵa sozylǵan uıqydan shoshyp oıanǵany – aıdaı Aqıqat edi!!!

Endi bizdiń ult eshqashan da qaıta qalǵymaıdy!

Uzaq jyl óz jerinde ógeı balanyń kúıin keshken qazaq ábden ashyndy dese de bolady. Ashynǵan ULT - qandaı kúshten de qoryqpaıdy, taısalmaıdy! Qarsy shabady, kúsh qoldanǵandarǵa!

Qazaǵymdy uıqysynan shoshytyp oıatqan kúshtik qurylymdary emes!

Saılaýdaǵy sumdyqtardy óz kózderimen kórgen ári ashynǵan qazaq saılaýshylarynyń ózi edi!

Osy dúrbeleńge toly kúnder men túnderde aıryqsha qaısarlylyq pen tabandylyq kórsetken, taısalmaǵan, qoryqpaǵan, qazaqtarym, senderge sol erlikteriń úshin myń alǵys!!!

Atap aıtqanda,  analarǵa ashyq qarsylyq kórsetken  san myńdaǵan qazaq jastarynyń bolǵanyn eshkim de joqqa shyǵara almaıdy!

Qazaq jastary, qazaq degen qaıran ulttyń, qaıran eldiń bolashaǵy endi senderdiń qoldaryńda!

Aman bolyńdar, bar bolyńdar, Ult tirekteri:

«Arystandaı aıbattylarym!

Jolbarystaı qaırattylarym!..»(Maǵjan Jumabaı)

Avtor: Jumash Kókbóri

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir