• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 03:57:40
Qazaqstan Ýkraınanyń saýda naryǵyna alańdaýly

11 Maýsym, 2019 Mańǵystaý oblysy

«Altyn oımaq» baıqaýyna mańǵystaýlyq Álııa Alhabaeva qatysady

Bıyl «Atameken» kásipkerler palatasynyń qoldaýymen elimizde alǵash ret otandyq dızaınerler arasynda «Altyn oımaq» baıqaýy ótedi. Maqsat - otandyq dızaınerlerge jáne isin jańadan bastaǵan kásipkerlerge qoldaý kórsetý. Sondaı-aq, qolóner sheberleriniń esimin elge tanytý. Mańǵystaýdan aıtýly baıqaýǵa qatysýǵa 19 isker ótinim berip úlgerdi. Solardyń biri-Álııa Alhabaeva.

Álııa Júsipqyzy bala kezden tiginshilik ónerdi jany súıdi. Elden erekshe kıinýdi, ózgeshe talǵamdy qalap turatyn edi. Mektep bitirgen sońaǵylshyn tili baǵytynda bilim alyp, aýdarmashy, shet tili muǵalimi bolyp qyzmet atqardy.Kishkentaı qyzy ómirge kelip, ana atanǵanda Álııanyń tiginge degen mahabbaty qaıta oıandy.Búldirshinniń kıimderin ózgelermen birdeı qylmaı, ózi tigip kıgizip júrdi. Osylaısha balalar kıimi dızaınyn etno stılde oılap tabý qajet degen ıdeıa týdy. Arman men maqsat úlken shabytqa ulasyp, balalar kıimi, anasy men qyzy degen tizbekpen kıim tigýdi bastap ketti. Ol úshin arnaıy kýrsta oqyp, tigý tehnıkasyn jetildirdi. Osy jyldyń qańtar aıynda «Ai_hanym_kids» brendiniń negizin qalap, óz isin ashty. Isker qyzdyń maqsaty- ata-babalarymyzdan búginge deıin jetken oıý-órnekter men ulttyq qundylyqtarymyzdy zamanaýı naqyshpen úılestirip, jańasha úlgide kıim tigý. Álııanyń basqa dızaıner, tiginshilerden ereksheligi- tabıǵı zyǵyr matasyn ǵana paıdalanýy. Zyǵyr matasyn ulttyq bolmyspen úılestirip, sándi kóılekter tigýi.

mangystaý

Jas dızaınerdiń kıimderine suranys birtindep artyp keledi. Jaqynda Nur-Sultan qalasynda ótken «Ulttyq ónim-2019» kórmesine Aqtaýdyń atynan baryp qatysqanda, onyń kıim úlgilerine aıtýly dızaınerlerdiń birazynyń kózi túsken. Onyń ózindik dara stıli, qaıtalanbas qoltańbasybar ekenin, bolashaqta úlken jetistikterge jetýge ábden laıyq ekenin aıtýshylar kúrt kóbeıdi. Kórme sońy jármeńkege ulasyp, kelýshiler Álııanyń kóılekterin satyp alyp ketken. Qazir aıyna 5-6 kóılek tigedi. Jańa úlgilerin iri saýda ortalyqtaryna da shyǵara bastady. Kıimderdiń quny tigý tehnıkasyna qaraı baǵalanady.

Tiginshiniń aıtýynsha, kıimderdiń tigilýi men matasynda min joq. О́ıtkeni, kóılekterdiń dızaınyn oılap tabý, pishý, tigý, órnektermen sándeý barlyǵy Álııanyń óz qolynan shyǵady. Al, shıkizattar men zyǵyr matasy Reseı, Belarýs elderinen, AQSh-tan jetkizilip otyr. Bolashaqta jeke tigin sheberhanasyn ashyp,  jumysshy sanyn kóbeıtip, ónimdi arttyrýdy maqsat etedi. Jaldamaly tigin sheberhanasynda júrgen ol dittegen maqsatyna aıqyn bet burdy. mangystaý

«Altyn oımaq» baıqaýy týraly Álııa áriptesterinen estidi. Onyń sharttary men talaptary kóńiline qonyp, kóp oılanbaıqatysýǵa bel býdy.

Mańǵystaý oblysy isker áıelder Keńesi janyndaǵy «Mańǵystaý oblystyq kıim dızaınerler odaǵy» qaýymdastyǵynyń teń quryltaıshysy Dıana Botaeva: 

-«Isin endi bastaǵan dızaınerler ózderi oılastyryp, tigip, tapsyrys qabyldasa, qazir olar oqyp, kórmelerge qatysyp, ulttyq kıim ǵana emes, kúndelikti ómirde kıetin kıimder shyǵaryp jatyr. О́ńirde ǵana emes basqa qalalarǵa kıimderin satatyn belgili jetistikke jetken dızaınerler bar. Olar osy baıqaýǵa qatysyp, bıznesin damytýǵa granttar utyp alýyna bolady. Dızaıner mamandyǵy Qazaqstanda munaıshy sekildi suranysqa ıe mamandyq bolýy kerek», - deıdi.

Mańǵystaý oblystyq isker áıelder Keńesiniń tóraıymy Sáýle Salıhova «Altyn oımaq» baıqaýy otandyq dızaınerlerdiń elge tanylýyna yqpal etetinin atap ótti. mangystaý

-«Altyn oımaq» – Qazaqstanda talantty, eshkimge belgisiz, aty joq adamdardy shyǵaratyn baıqaý. Ony jyl saıyn ótkizý josparda bar. Alǵashqy jyly kúmánmen qaraıtyndar kóp bolady. Birinshi baıqaý qalaı ótedi, soǵan baılanysty adam talaptana beredi. Ol baıqaýdyń dızaınerlerdiń seriktestik ornatyp, birigýine mol múmkindik beretinin jáne muny qoldaıtynyn jetkizdi. Bir adamǵa kóterilý óte qıyn. Birigip shaǵyn óndiris qursa, nátıje bolady», - deıdi Sáýle Salıhova.

«Altyn oımaq» baıqaýynda komıssııa laýreattardy irikteıdi. Ekinshi kezeńde úmitkerler qoǵamdyq onlaın-daýys berýge qatysady. Bas júldeden úmittiler maýsym aıynda Elordada ótetin «Jeńilóner kásip» forýmynda jarııalanady. Úshinshi kezeńde alty laýreattyń ishinen jeńimpaz tańdalady. Marapattaý saltanaty jeltoqsan aıynda ótedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir