12 Maýsym, 2019 Saıasat
Toqaev: Azamattarymyz bankten nesıe alýǵa májbúr
Mıllıonnan astam azamatymyz bankten nesıe alýǵa májbúr boldy. Tabysy joǵary jáne tómen azamattardyń arasyndaǵy alshaqtyq - qoǵamdy mazalaıtyn taǵy bir ózekti másele.
akorda.kz
Qasym-Jomart Toqaev Qazaqstan Prezıdentin ulyqtaý rásimindegi resmı málimdemesinde halyqty tolǵandyryp otyrǵan máleselerdi aıtty dep habarlaıdy Qamshy.kz aqparat agenttigi.
–Halyqty tolǵandyryp otyrǵan basty másele - tabys kóleminiń azaıýy. Halyqaralyq qarjy naryqtarynyń turaqsyzdyǵy, teńgeniń devalvasııasy halyqtyń tabysyna keri áser etti. Mıllıonnan astam azamatymyz bankten nesıe alýǵa májbúr boldy. Tabysy joǵary jáne tómen azamattardyń arasyndaǵy alshaqtyq - qoǵamdy mazalaıtyn taǵy bir ózekti másele. Árıne, mundaı qubylystar búkil álemde bar. Degenmen, toqmeıilsip otyra berýge bolmaıdy. Sondyqtan, dál osy ótkir áleýmettik, ekonomıkalyq jáne saıası máseleni sheshý, ortaq merzimdi keshendi sharalar qabyldaý qajet. Qorshaǵan ortanyń qazirgi múshkil hali - kópshiliktiń kókeıindegi másele. Sondyqtan elimizge biryńǵaı ekologııalyq saıasat qajet, - dedi Memleket basshysy.
Sonymen qatar, Qasym-Jomart Toqaev eldegi taza aýyz sý máselesin aıtyp ótti.
–Qorshaǵan ortany qorǵaý júıesine serpin beretin jańa ekologııalyq kodeks qabyldaý kerek. Kelesi ózekti másele - halyqty sýmen qamtamasyz etý. Taza aýyz sý árbir úıde, árbir otbasyda bolýy mindet. Taǵy bir halyqty mazalaıtyn mańyzdy másele - bul joldardyń sapasy. Sol sebepti avtojoldardyń jaǵdaıyn jaqsartý - bizdiń negizgi maqsattarymyzdyń biri, - dedi Toqaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir