• USD 378.65
  • EUR 430.07
  • RUB 6
  • CNY 55.1
26 Tamyz, 05:23:18
Qoryqshylardyń materıaldyq-tehnıkalyq bazasy kúsheıtiledi

11 Maýsym, 2019 Saıasat

Marǵulan Seısembaı: Qoǵam Qosanov arqyly maqsatyna jetti

Seısembaıdyń jazýynsha, qoǵam "Ult taǵdyry"qozaǵalysy usynǵan kandıdat Ámirjan Qosanov óz saılaýshylaryn aldap ketken, biraq qoǵam (Qosanovqa daýys bergender) Qosanov arqyly dittegen maqsatyna jetken.

Belgili ınvestor, qoǵam belsendisi Marǵulan Seısembaı Qazaqstanda ótken kezekten tys prezıdent saılaýyna qatysqan oppozısııalyq saıasatker Ámirjan Qosanov týraly pikirin bildirdi dep jazady Qamshy.kz aqparat agenttigi.

Seısembaıdyń jazýynsha, qoǵam "Ult taǵdyry"qozaǵalysy usynǵan kandıdat Ámirjan Qosanov óz saılaýshylaryn aldap ketken, biraq qoǵam (Qosanovqa  daýys bergender) Qosanov arqyly dittegen maqsatyna jetken.

"Birinshiden, Qosanov aldap ketti. Men onymen saılaý aldynda kezdeskenimde, ol maǵan: "Men saılaýǵa qatysamyn" dep aıtqan bolatyn. Men odan: "Ne úshin?"- dep suraǵanymda: "Bul júıege soqqy berý kerek” dep ún qatqan. Bermedi. Men onyń jeńe almaıtynyn bilgenmin, oǵan jeńisti eshkim ákelip bere salmaıtynyn túsingenmin. Biraq Ámirjan eń qurmasa soqqy beredi degen úmit boldy.
Ekinshiden, ol elimizdiń tarıhynda birinshi ret shynaıy halyqtyń batyry-tańdaýlysy bolatyn múmkindikti qoldana almady. 
Úshinshiden, 20 jyl boıy jınaǵan abyroıyn bir kúnde jerge tógip tastady.
Tórtinshiden, onyń saıası keleshegi joq.

P.S. Túsinbeıtin adamdarǵa. Birinshiden, men Qosanovqa daýys berińder dep úgittegen joqpyn. Men Qosanovqa daýys berý arqyly bılikke ózimizdiń narazylyǵymyzdy kórsetip olardy saıası reformalarǵa ıtermeleýge bolady dep aıtqanmyn. Meniń aıtqany sol sózim jalǵan ba? Bılik narazylyǵymyzdy kórgen joq pa? Halyq Qosanovty jaqtaýshylardyń sanyn kórgen joq pa? Másele tulǵada emes. Qosanov arqyly biz maqsattarymyzǵa jettik qoı. Bul úlken jeńis dep esepteımin", -dedi Seısembaı óz jazbasynda.

Qazaqstanda 9 maýsymda kezekten tys prezıdent saılaýy ótip, oǵan jeti kandıdat qatysqan. Olardyń nátıjesi tómendegideı:

Jambyl Ahmetbekov - 167 649 daýys - 1,82 paıyz

Danııa Espaeva - 465 714 daýys - 5,05 paıyz

Ámırjan Qosanov - 1 495 401 daýys - 16,23 paıyz

Tóleýtaı Rahymbekov - 280 451 daýys - 3,04 paıyz

Amangeldi Taspıhov - 182 898 daýys - 1,98 paıyz

Qasym-Jomart Toqaev - 6 539 715 daýys- 70,96 paıyz

Sádibek Túgel - 84 582 daýys, 0,92 paıyz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir