Ulttyq bank tóraǵasy: Depozıttiń jańa túri engiziledi

Ulttyq bank tóraǵasy Erbolat Dosaev depozıtterge qatysty ózgeristi jarııalady, dep habarlaıdy Qamshy.kz aqparat agenttigi Sputnik Qazaqstan tilshisine silteme jasap. 

Bas bankırdiń sózine qaraǵanda, shetel valıýtasyn el ishinde ustap otyrý maqsatynda ekinshi deńgeıli bankter úshin depozıttiń jańa túri engiziledi. 

"Valıýtalyq aktıvterdi el ishinde saqtaýdy yntalandyrý úshin jańa qural retinde 1 shildeden bastap bankterdiń ulttyq banktegi valıýtalyq depozıtteri engiziledi. Mundaı depozıtterdiń merzimi – bir aı. Al jyldyq mólsherlemesi 0,5 prosentke deıin bolady", - dedi Dosaev úkimettiń búgingi otyrysynda.

Onyń aıtýynsha, kepildik berý qory usynǵan qazaqstandyq depozıtter boıynsha eń joǵary mólsherleme ózgerip otyr.

"Halyqtyń teńgedegi merzimdi emes depozıtteri boıynsha usynylǵan mólsherlemeni 2019 jyldyń 1 shildesinen bastap 10,5%-ten 9,8%-ke deıin tómendetý týraly sheshim qabyldandy. Sonymen qatar, bıyl 1 maýsymnan bastap on eki aı jáne odan joǵary merzimmen shetel valıýtasyndaǵy jınaq pen merzimdi depozıtter boıynsha 2 prosentke deıin kóterildi. Bul shara bankterdiń mindettemelerin uzartýǵa baǵyttalǵan", - dep atap kórsetti Dosaev.