Halyq óz qalaýyn jasady

Memleketti basqaratyn birinshi tulǵany saılaý qaı elde bolmasyn asa jaýapty is retinde qabyldanady. Sebebi ol adam sol eldiń keleshek damýyn anyqtaýda, ekonomıkasy men halyqtyń ál-aýqatyn damytýda asqan jaýapty sheshimder qabyldaıdy, sol baǵytta keleli jumystar atqarylýyna baǵyt-baǵdar beredi.

Halqymyz óz qalaýyn jasady, elimizdiń Prezıdenti bolyp kórnekti Memleket jáne qoǵam qaıratkeri Qasym-Jomart Kemeluly Toqaev saılandy. Men muny óte durys sheshim dep qabyldaımyn. Qasym-Jomart Kemeluly qazaq halqynan shyqqan shetelderge tanymal tulǵa.

Qazaq eli qazirgi ýaqytta álemdik keńestikte ózindik orny bar keleli memleketterdiń biri. Jahandaný zamanynda qandaı bolmasyn eldiń damýy basqa memlekettermen tıimdi júrgiziletin kópsalaly qatynastarǵa baılanysty bolady. Qasym-Jomart Kemelulynyń osy baǵyttardy qazirgi ýaqytqa deıin júrgizilgen isterdi jańa qarqynda júrgize alatynyna halyq mol senim bildiredi.

Komparatıvıst ǵalym retinde zertteýler júrgizip, óz jastaryna sapaly orta bilim berip otyrǵan 30 eldi anyqtadym. Ol elder ekonomıkasy qarqyndy damyp otyrǵan elder bolyp shyqty. Elimizdiń turaqtylyǵynyń, halyqtyń ál-aýqaty men el ekonomıkasynyń qarqyndy damýynyń basty kepili jastarǵa sapaly orta bilim berý ekenin aıtqym keledi.  Osy rette, jastarǵa qoldaý kórsetip otyrǵan Prezıdentimizdiń  saıasatyn tolyq qoldaımyn, saılaýda jetken jeńisimen quttyqtaımyn.

Pedagogıkalyq Ǵylymdar  Akademııasynyń basqarma tóraǵasy, Búkildúnıejúzilik salystyrmaly bilim berý qoǵamdary keńesiniń atqarýshy komıtetiniń múshesi,

QR Memlekettik syılyǵynyń ıegeri, akademık

Asqarbek Qusaıynov