11 Maýsym, 2019 Saıasat
BUU Bas hatshysy Toqaevty quttyqtady
BUU Bas hatshysy Toqaevty prezıdenti laýazymyna saılanýyna baılanysty quttyqtady
QR prezıdenti laýazymyna saılanýyna baılanysty Qasym-Jomart Toqaevtyń atyna quttyqtaýlar kelip túsýde dep jazady Qamshy.kz aqparat agenttigi.
BUU 8-shi Bas hatshysy, Ionse ýnıversıtetiniń janyndaǵy Jahandyq is-qımyldar ınstıtýtynyń qurmetti tóraǵasy Pan Gı Mýn Qasym-Jomart Toqaevty jaýapty memlekettik laýazymǵa saılanýymen shyn júrekten quttyqtady. Jedelhatta Memleket basshysynyń BUU Jenevadaǵy bólimshesiniń Bas dırektory qyzmetin atqarǵan kezdegi jumys tájirıbesi, ártúrli múddeli taraptardy kelisimge keltirý qabileti Qazaqstandy órkendetýge septigin tıgizetinine senim bildirdi.
«Qazaqstan qazirgi ýaqytta ornyqty damýy men ınklıýzıvti ósimin aıqyn kórsetip kele jatqan biregeı memleket. Sizdiń dıplomatııany tereń túsinetinińiz elińizdegi memlekettik qurylys pen áleýmettik-ekonomıkalyq damýǵa yqpal etedi dep oılaımyn. Aldaǵy ýaqytta álemniń bolashaǵyn jarqyn qylý maqsatynda kúsh-jiger biriktirip, yntymaqtastyǵymyzdy jalǵastyra bergimiz keledi», – delingen jedelhatta.
Daıyndaǵan: Ildar Adılchenov
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir