11 Maýsym, 2019 Saıasat
Asqar Mamın: Jumys bolsa, narazylyq bolmaıdy
Memleket basshysynyń saılaýaldy baǵdarlamasymen áleýmettik máseleni sheshýge múmkindik týyp tur
Habar 24
Memleket basshysynyń saılaýaldy baǵdarlamasy men strategııalyq mindetterdi júzege asyrý arqyly áleýmettik máselelerdi sheshýge múmkindik jasalady dep habarlaıdy Qamshy.kz aqparat agenttigi QazAqparat saıtyna silteme bere otyryp.
«9 maýsym - tarıhı kún, QR Prezıdentin kezekten tys saılaý ótti. QR Tuńǵysh Prezıdenti - Elbasy Nursultan Nazarbaevtyń tóraǵalyǵymen ótken Nur Otan partııasy sezinde usynylǵan úmitker Qasym-Jomart Kemeluly jeńiske jetti. Halyqtyń qoldaýy arqasynda Elbasynyń strategııalyq baǵdarynyń sabaqtastyǵy qamtamasyz etiledi. Memleket basshysynyń saılaýaldy baǵdarlamasyn tolyǵymen júzege asyrý - bizdiń ortaq mindetimiz. Onyń negizinde ekonomıka men ınfraqurylymnyń turaqty damýy, qoljetimdi baspanamen qamtamasyz etý, sonymen birge, bilim berý, densaýlyq saqtaýdy jaqsartý arqyly halyqtyń tabysy men ómir sapasyn arttyrý bar», - dep atap ótti Premer-Mınıstr.
Onyń aıtýynsha, jańa jumys oryndaryn ashý «Úkimettiń basty mindeti» bolmaq.
«Jańa jumys oryndaryn ashý jańa óndiristerdiń ashylýyna tikeleı baılanysty. Ony ınvestısııasyz júzege asyrý múmkin emes. Barlyq ákimder men memlekettik organdardyń basshylary ınvestısııalardy tartýǵa, shaǵyn jáne orta bıznestiń damýyna barynsha kóńil bólýi qajet. Bul jumysty toqtaýsyz júrgizý qajet. Jumys bolsa, halyqtyń turmysy jaqsarady. Demek, narazylyq ta bolmaıdy degen sóz. Memleket basshysynyń saılaýaldy baǵdarlamasy men strategııalyq mindetti tıimdi júzege asyrý arqyly áleýmettik máselelerdi sheshýge múmkindik jasalady», - dedi Asqar Mamın.
Usynǵan: Bek Baıtas
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir