• USD 383.43
  • EUR 429.83
  • RUB 5.96
  • CNY 55.39

11 Maýsym, 2019 NEWS

Energetıka mınıstri Bozymbaevtan keńes: Úıdegi elektr energııasyn qalaı únemdeımiz?

Sózine sensek, onyń páterindegi batareıalarda temperatýra kóterilgende qýat berýdi shekteıtin qurylǵy bar.

Energetıka mınıstri Qanat Bozymbaev úıinde elektr energııasyn únemdep, qýatqa qyrýar qarjy tólemeıtinin aıtty dep habarlaıdy Qamshy.kz aqparat agenttigi Astana telearnasyna silteme jasap.

Bas energetık ázirge kópqabatty úıde turady. Eger jer úıge kóshse, balamaly qýat kózderin paıdalanbaq. Al ázirshe páterindegi jaryqty meılinshe az qosýǵa tyrysyp júr. Qazaqstanda 5-10 jylda qýat tapshylyǵy týady degen boljam bar.

"Eger elektr energııasyna keler bolsaq, balalar túnde jatarda jaryqty sóndirýge daǵdylanǵan. Toqty únemdeý mádenıetin engizýge tyrysamyz. Páterde turatyndyqtan, balamaly qýat kózi batareıalaryn ornatqan joqpyn. Biraq josparda bar", - deıdi Bozymbaev.

Qazir energetıka mınıstrligi az masshtabty qaıta jańǵyrtylatyn qýat kózderin qoldaýǵa qatysty zań jobasyn daıarlap jatyr. Sol kezde tek energetıka mınıstri emes, qarapaıym halyq ta kún batareıalaryn ońaı paıdalana alady.

"Aqshany búgingi aıtylǵannan da kóbirek únemdeýge bolady. Atalǵan salany sýbsıdııalaýdyń da ońtaıly joldaryn qarastyramyz", - dedi Qanat Bozymbaev.

"Biz árıne bárin únemdeımiz. Tipti, shyǵynymyz óte az dep aıtýǵa bolady. Sebebi, mınıstrlik ornalasqan ǵımaratty úlken dep aıtýǵa kelmeıdi. Qazir, jumys ýaqtyly aıaqtalatynyn bilesizder. Saǵat 18-30 dan keıin qyzmetkerlerdiń kompıýterleri avtomatty túrde sónedi", - dedi.

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir