Almatyda Tengrinews tilshisi soqqyǵa jyǵyldy: Polısııa tergeý jumysyn bastady (vıdeo)

Almaty polısııasy Tengrinews.kz tilshisi Shoqan Alhabaevqa jasalǵan shabýylǵa qatysty qyzmettik tergeý bastady dep habarlaıdy Qamshy.kz aqparat agenttigi  Tengrinews.kz  baspasóz qyzmetine silteme jasap.

"Almaty polısııasy departamenti eshqalaı da jaýapkershilikten qashpaıdy jáne osy jaǵdaıdy obektıv tekserýge kepil beredi. Sonymen qatar, jappaı tártipsizdik pen mıtıngter kezinde BAQ ókilderiniń qaýipsizdigi jaıly ereje bar ekenin eskerý kerek. Ol erejeler birinshi kezekte jýrnalısterdiń ózderiniń qaýipsizdigine arnalǵan. Bul týraly osyǵan deıin IIM basshylyǵy birneshe ret aıtqan bolatyn.

Bul jaǵdaıda jýrnalıst Shoqan Alhabaevta arnaıy jılet bolǵan joq. Sondaı-aq, qoǵamdyq tártip buzýshylardyń ishinde kóptegen arandatýshylardyń bolǵanyn aıtý kerek. Olardyń áreketteri birinshi kezekte azamattardyń ómiri men densaýlyǵyna jáne qoǵamdyq qaýipsizdikke qaýip tóndirdi. Sondyqtan Ishki ister mınıstrligi beretin tapsyramalar halyqtyń qaýipsizdigin qamtamasyz etýge baǵyttalady", - dedi Almaty qalalyq polısııanyń baspasóz qyzmetindegiler.

Eske salaıyq, munyń aldynda Almatyda polıseılerdiń Tengrinews tilshisin soqqyǵa jyqqany habarlanǵan bolatyn. Tilshi Shoqan Alhabaev 10 maýsymda túnde Saıran mańynda (Áýezov aýdany) polıseılerdiń kóshege shyqqandardy ustap jatqan jaǵdaıyn vıdeoǵa túsirgen.

Keıbir málimetter boıynsha, polısııa zańsyz mıtıngige shyqqandarda sýyq qarý bar degen habardan keıin tekseris sharalaryn júrgizgen. Jýrnalıske jasalǵan shabýyldyń aldynda túsirilgen vıdeo:

"Polıseıler kóshedegilerdi ustap jatqanyn túsirip alý úshin jaqyndaǵanmyn. Olardyń biri "Nege túsirip tursyń?" dedi. Men jýrnalıst ekenimdi aıttym. Ol túsirmeýimdi surady. Sosyn basqa polıseı kelip, meni ustaýǵa buıryq berdi. Telefonymdy alyp qoıdy. Qaıtarýyn suradym. Keıin taǵy birneshe polıseı keldi. Qolymdy burap, jerge qulatty. Tebe bastady. Betimnen, ishimnen tepti", - dedi ol.

Jýrnalıstiń kıimi jyrtylǵan: