• USD 378.65
  • EUR 430.07
  • RUB 6
  • CNY 55.1
20 Tamyz, 16:27:22
Alpınısterdiń naqty qaı jerde ekeni áli belgisiz

11 Maýsym, 2019 Atyraý oblysy

Atyraý kóshelerine 147 shaqyrym sýarmaly sý qubyry tartylady

Joba memlekettik-jekeshelik əriptestik negizinde júzege asady.

 

Bıylǵy jyly qalany kógaldandyrý jumysy boıynsha «Kaspııdormostostroı» JShS jumys jasaıtyn bolady. MJƏ negizinde mekeme oblys ortalyǵyn kógaldandyrý, sýarý júıelerin jóndeý, sondaı-aq, jalpy uzyndyǵy 147 shaqyrym bolatyn jańa sý qubyrlaryn salý boıynsha jumystar júrgizedi. Mekememen bes jylǵa kelisim shart jasaldy.

 atyrau

- Biz bıylǵy jyldyń 13-shi sáýirinen bastap jumysqa kirisip kettik. Búgingi kúnge deıin saıabaqtarda, alańdarda jáne gúlzarlarda shamamen 12 myń sharshy metr bir jyldyq gúlder otyrǵyzyldy. Olardy kúntizbe boıynsha sýarý jumystary júrgizilip jatyr. Odan bólek, biz eki aıdyń ishinde 39 kósheni qaıta qalpyna keltirip, 16 aımaq pen saıabaqtardaǵy aǵashtardy aqtap, qýraǵan aǵashtardyń butaǵyn kesip, 21 gúlzarlarǵa gúl otyrǵyzdyq,-deıdi «Kaspııdormostostroı» JShS ókili Leonıd Zadernyı.

 atyrau

Budan bólek, mekeme búgingi tańda oblys ortalyǵynda sýarý júıesin qalpyna keltirý boıynsha jumystaryn júrgizip jatyr. Mysaly, əýejaı jolyndaǵy tamshylatyp sýarý júıesi 80% qalpyna keltirildi. Sondaı-aq, qoldanystaǵy eski sý sorǵylarynyń 8-i qalpyna keltirilip, joba aıasynda taǵy 7 qosymsha sorǵy ornatylatyn bolady.

 atyrau

- Qazirgi ýaqytta Atyraý qalasynda shamamen 30 shaqyrym eski sý qubyrlary jumys isteıdi. Aǵymdaǵy jyldyń sońyna deıin MJÁ jobasy aıasynda biz 147 shaqyrym sýarmaly sý qubyrynyń qurylysyn aıaqtap, qaladaǵy sýarý júıesin tolyq baqylaýda ustaıtyn bolamyz, - dep Leonıd Zadernyı josparymen bólisti.
«Kaspııdormostrostroı» JShS-niń ártúrli aǵashtar, jyldyq jáne kópjyldyq gúlder ósetin jeke oryndary bar ekendigin atap ótý kerek. Búgingi kúni munda bes jyl bolǵan 7 myńnan astam aǵashtar, úsh jyl bolǵan 7 myń aǵash, jəne 2 jyl buryn otyrǵyzylǵan 10 myńnan astam aǵash bar.

 atyrau

- Biz aımaqtyń klımattyq jáne topyraq jaǵdaıyna beıimdelgen aǵash túrlerin ósiremiz, bul - qaraǵash, terek, buta. Sondaı-aq, mekeme jyldyq ósimdik ónimderin jetkizýshilerdiń biri bolyp tabylady. Biz kógaldandyrý salasynda tájirıbesi bar mamandar tobyn jınaqtadyq. Almaty qalasyndaǵy kógaldandyrý jáne sýarý salasyndaǵy mekeme mamandarymen senimdi seriktestik qurdyq. Bizdiń mekeme júıeli túrde jáne uzaq ýaqyt boıy ártúrli kógaldandyrý jobalaryna qatysyp, Atyraýdyń dendrologııalyq josparynyń iske asýyn baqylap, tájirıbe jınaqtady,- dedi mekeme ókili.

 atyrau

"Kaspııdoromstroı" JShS kelesi bes jylǵa deıin 50 myńǵa deıin aǵashtardy kútip, baptaıtyn bolady. Jyl saıyn 338 myń gúl jáne 3,5 myń buta aǵashtaryn otyrǵyzady. Sondaı-aq, 2023 jylǵa deıin otyrǵyzylǵan aǵashtardyń sany 25 000-ǵa jetedi dep josparlanýda, olardyń 2 myńy jemis aǵashtary bolmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir