11 Maýsym, 2019 NEWS
Reseıde mektep oqýshysy Ilıa Galsov qazaq radıosyn ashty
Reseıde týyp-ósken jasóspirim jazǵy demalysyn Qazaqstandaǵy ata-ájesinde ótkizipti. Sol kezde mektep oqýshysynyń qazaq tiline degen qyzyǵýshylyǵy oıanǵan kórinedi.
Omby qalasynyń turǵyndary taza qazaq tilinde habarlama taratatyn radıony onlaın rejımde tyńdaı alady. Igi bastamaǵa toǵyzynshy synyp oqýshysy Ilıa Galsov muryndyq boldy dep habarlaıdy Qamshy.kz aqparat agenttigi Astana telearnasyna silteme jasap.
"Radıo arqyly biz qazaq halqynyń tilin, mádenıetin, ádet-ǵurpyn nasıhattaımyz. Qazir grant baıqaýyna qatysyp jatyrmyz. Keıin búkil Reseıge jarııalanatyn áýe tolqyndy alǵymyz keledi. Nátıjesinde Reseıdiń kez kelgen jerinde júrgen qazaqtar ana tilin jattap, tarıhı otany jaıynda búkil jańalyqtardan habardar bolady", - deıdi Ilıa Galsov.
Ázirge tek onlaın rejımde jumys istep jatqan radıoda qazaq ánderi men jańalyqtar jarııalanyp jatyr. Jaqyn arada Ilıa Galsov qazaq tili kýrstarynyń aýdıo nusqasyn engizbek.
Aıtýynsha, ázirge radıony kúnine 300-ge jýyq adam tyńdaıdy. Tyńdarmandardyń aıasyn keńeıtý úshin jasóspirim jeke áýe tolqynǵa ıe bolyp, ony búkil Reseıge taratýdy josparlap otyr. Aıta ketý kerek, búginde tek Omby oblysynyń ózinde 80 myńnan astam etnıkalyq qazaq turady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir