• USD 468.56

  • EUR 497.56

  • RUB 7.3

  • CNY 67.18

29 Naýryz, 16:49:37
Almaty
+35°

10 Maýsym, 2019 Saıasat

Qosanov neden qorqyp qaldy?

Ortalyq saılaý komıtetiniń aldyn ala boljam boıynsha, Qasym-Jomart Toqaev 70,76 paıyz daýys jınap, óz ornynda qalýy kerek

Ortalyq saılaý komıtetiniń aldyn ala boljam boıynsha, Qasym-Jomart Toqaev 70,76 paıyz daýys jınap, óz ornynda qalýy kerek. Al saılaýdyń basty róliniń birin somdaǵan Ámirjan Qosanov 16,02 paıyz daýys jınap, ekinshi orynǵa taban tiredi.

Saılaý nátıjesiniń eń birinshi bolyp exit poll arqyly anyqtady. Toqaev - 70,13 paıyz, Qosanov - 15,39 paıyz... Ámirjan aǵamyz bul 13 myń saılaýshynyń arasyndaǵy saýalnama bolsa da, eń birinshi bolyp Qasym-Jomart Toqaevty jeńisimen quttyqtady. 

Búkil áleýmettik jeliler saılaýdaǵy falsıfıkasııa, bir adamnyń birneshe bıýlletendi jáshikke salyp turǵan vıdeolary men Qosanov  jeńiske jetken saılaý ýchaskelerindegi sýretterge tolyp jatty.  

Saılaý barysynda óz qyzmetin atqarǵan baqylaýshylarǵa kedergi jasaldy. Jaryq sóndirilip, bólimshege kirgizbeı qoıǵan kezde... oppozısııalyq kandıdat eń birinshi bolyp, óz jeńilisin moıyndap qoıdy. О́ziniń málimdemesinde ol Nur-Sultan men Almatyda ótken mıtıngterge kóp nazar aýdardy. Ol sharaǵa shyqqandardy synǵa alyp, solardyń kesirinen kerek daýystaryn jınaı almaǵany úshin olarǵa kiná taqty. “Fransııada kofe iship otyrǵan” Áblıazovty da synap-minedi. 

Biz Qosanovtan muny kútpedik... Biz Ámirjan aǵamyzdan óz aýzynan shyqqan talaptardy kúttik. Mysaly, "falsıfıkasııa jaǵdaıy oryn alsa, saılaý nátıjelerin moıyndamaı, jurtty mıtıngke alyp shyǵady-aý" dep oılady, halyq.  

Toqaevty quttyqtaýmen shektelmeı, ol potensıaldy túrde oǵan daýys beretin, alańǵa shyqqandardyń bárine de sóz tıgizdi.  

Ol nege bulaı istedi? Múmkin bul saılaýdy syrtynan basqaryp otyrǵan joǵary bıliktegi tulǵalarmen jasyryn mámilege kelgen bolar. Eger de Qosanov 6-7 paıyz jınaǵanda, bári tynysh óter me edi? Biraq áleýmettik jeli kómegimen rekordty 15 paıyz daýys jınady. Qazaqtan táýelsizdiginen bastap, birde-bir Nazarbaevtyń qarsylasy mundaı nátıjege jetpegen. Osy kezde bılik "Qosanov búkil oppozısııany birigýge shaqyrady" dep oılady ma? Bul kezde ne bolatynyn kim bilsin?!  

Ne bolsa da, Qosanov óz qyzmetin atqardy, Qosanov endi saıasattan kete berýińizge bolady. Marhabat! Esik ashyq! 

Endi saılaýdyń oń jaǵyn kóreıik. Buǵan deıin eshqashan saıası taqyryp áleýmettik jelilerde birinshi orynǵa shyqqan emes. Keshe qoǵam boıkot nemese Qosanov dep bólinse de, eshkim shette qalǵan joq. Boıkot jarııalaǵandar bılikke kishigirim dabyl qaqty. Qosanov ta barlyǵyna qarsy shyqqan “Zelenskıı” bolyp, azamattyq qoǵamda  óz qyzmetin dál oryndady.  

Boıkot jarııalaǵandardyń oıynsha, kimge daýys berse de, bári daýys sanaý kezinde sheshiledi. Biraq, jelide taraǵan vıdeolardy qarasaq, jáshikke salynyp jatqan "jasandy daýys" bul júıeniń áli kúshinde ekenin kórsetedi. Eldegi kúrdeli bılik tranzıti kezinde senim artyp, artynan Qosanovqa aldanyp qalǵan jurt pen boıkot jarııalaǵandar oǵan ekijaqty   qysym jasady deýge bolady. 

Kelesi saılaý budan da qyzyq bolaıyn dep tur... 

Ildar Adılchenov

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir