10 Maýsym, 2019 Saıasat
Quttyqtaýlar legi. Toqaevty Pýtın men Erdoǵan quttyqtady
Reseı elshisi: Men Sizdi daýys berýshiler belsendi qatysqan saılaýdaǵy aıqyn jeńisińizben quttyqtaımyn. Bul – taza jeńis ári halyqtyń Sizdi Qazaqstan Prezıdenti retinde tańdaýynyń aıqyn dáleli
Federalnoe agentstvo novosteı
Túrkııa Respýblıkasynyń Prezıdenti Rejep Erdoǵan óziniń jáne túrik halqynyń atynan Qasym-Jomart Toqaevty Qazaqstan Respýblıkasynyń Prezıdenti saılaýyndaǵy jeńisine oraı quttyqtaý jedelhatyn joldady Qamshy.kz aqparat agenttigi. Bul týraly Aqordanyń resmı saıty málimdedi.
Saıası turaqtylyq sabaqtastyǵynyń mańyzdy kórsetkishi retinde osy saılaýdyń tabysty aıaqtalǵanyna qýanyshty ekenin aıtqan Túrkııa Prezıdenti Qazaqstannyń aldaǵy damýyna senim bildirdi.
"Qazaqstannyń tynyshtyq pen turaqtylyq jolyndaǵy qadamdaryn odan ári jalǵastyra túsetinine jáne halyqaralyq beıbitshilik pen qaýipsizdikti qamtamasyz etýge úles qosa beretinine kúmánim joq. Halyqtarymyz arasyndaǵy tarıhı jáne ejelgi dostyqqa negizdelgen Túrkııa-Qazaqstan qarym-qatynastary Tuńǵysh Prezıdent – Elbasy Nursultan Nazarbaev myrzamen bizdiń birlesken kúsh-jigerimizdiń arqasynda joǵary deńgeıge jetti. Osy oraıda, elderimiz arasyndaǵy qarym-qatynastardy barlyq salada odan ári damytý úshin jumys isteýge daıyn ekenimdi atap ótkim keledi", – delingen jedelhatta.
Sonymen qatar,Reseı Federasııasynyń Tótenshe jáne ókiletti elshisi Alekseı Borodavkın Qasym-Jomart Toqaevqa prezıdent saılaýyndaǵy jeńisine baılanysty Reseı Federasııasynyń Prezıdenti Vladımır Pýtınniń quttyqtaýyn jetkizdi.
"Men Sizdi daýys berýshiler belsendi qatysqan saılaýdaǵy aıqyn jeńisińizben quttyqtaımyn. Bul – taza jeńis ári halyqtyń Sizdi Qazaqstan Prezıdenti retinde tańdaýynyń aıqyn dáleli", – dedi Reseı elshisi.
Sonymen qatar, Qazaqstan-Reseı qarym-qatynastaryn odan ári tereńdetý jáne eki eldiń halyqaralyq uıymdar aıasyndaǵy yntymaqtastyǵyna qatysty máseleler talqylandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir