• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 04:03:04
Qazaqstan Ýkraınanyń saýda naryǵyna alańdaýly

10 Maýsym, 2019 Barlyq aımaqtar

Elimizde keshegi ótken Prezıdenttik saılaý joǵary deńgeıde, ashyq ári ádil ótti

Elimizde keshegi ótken Prezıdenttik saılaý joǵary deńgeıde, ashyq ári ádil ótti dep aıta alamyn. Halyq erikti túrde óz tańdaýyn jasap, daýys berý ýchaskelerine lek-legimen kelip jatty. Tipti, saılaý aldy naýqannyń, daıyndyqtyń júıeli uıymdastyrylýy, bul jolǵy saılaýdyń talasty, tartysty ótýine jol ashqan sekildi.

Olaı deıtinim, men ózim respýblıkalyq shtab músheleriniń qatarynda boldym. Jambyl obylysyna baryp, sharýashylyqtaǵy áriptesterimmen, aýyl halqymen jolyǵyp, pikirlerin bildim. Qansha adam bolǵan jerde sonsha pikir bolatyndyǵy aıdan anyq. Men áýel bastan-aq elimizdiń damýyna eleýli úles qosyp kele jatqan, óz isiniń mamany, dıplomat Qasym-Jomart Kemelulyn tańdaǵan adammyn. Halyqtyń bir bóligi ózge úmitkerlerge daýys beremiz dep jatty. Sonda, jańaǵy ózim jolyqqan halyqtyń basym kópshiligi «bul qalaı bolǵany, el basqarýǵa, soǵan laıyqty, tájirıbeli adam kelýi kerek emes pe?! Erteń biz otbasymyzben baryp daýys bermesek, basqa kandıdattar alǵa shyǵyp ketýi múmkin, biz túgel saılaýǵa qatysamyz desip jatty».

Al keshe, saılaýmen qatar Elordada qazaq kúresinen ótken «Qazaqstan Barysyn» uıymdastyrdyq. Sol jerde Qasym-Jomart Kemelulyna jolyǵýdyń da sáti tústi. Sóz arasynda ol kisi maǵan «Áı, Jáke! Qazaq sportshylary bokstan álemdik arenada ónerin kórsetip, tanymal bolyp jatyr, elimizdi de tanystyryp júr. Al, kúres nege ondaı dárejede emes? Álde sport salasyna kórsetiletin qoldaý sharalaryn kúsheıtý qajet pe? Biz birjaqty emes, jan-jaqty damýymyz kerek!» degende, naq osy kisi Elbasy saıasatyn jalǵastyryp, eldegi birlik pen berekeni, tynyshtyqty saqtaı otyryp, elimizdi alǵa jeteleıtindigine taǵy da kózim jetti.

Sondyqtan, keshegi kún barlyǵymyz, onyń ishinde sheteldik mamandar da halyqtyń saıası saýattylyǵyna, belsendiligine kýá bolyp, kóńilimiz tolǵan kún boldy!

Olımpıada chempıony

Jaqsylyq Úshkempirov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir