"Iá, men Toqaevtyń jeńisin moıyndadym": Qosanov ózin qoldaǵan azamattardan keshirim surady

Ámirjan Qosanov Nur-Sultanda jýrnalıster men saılaýshylarǵa press-konferensııa ótkizdi dep habarlaıdy Qamshy.kz aqparat agenttigi Hola News saıtyna silteme jasap. 

Qosanovqa daýys bergen azamattar saılaý nátıjesimen kelispeıtinin aıtsa, birshama azamattyń daýys berý quqyqtary buzylǵan. 

Qosanov Toqaevtyń jeńisin moıyndaıtynyn aıtty. Oǵan qosa, ol bul oppozııasııanyń úlken jeńisi boldy degen oıda.

"Iá, men Toqaevtyń jeńisin moıyndadym. Maǵan osy ýaqyt boıy nasıhat jumystarynda kómektesip kele jatqan áriptesterimmen de keńestim. Men shyn máninde realıst bola otyryp, memlekettik mashınany bile otyryp, búgingi kúni bizdiń múmkindikterimizdi qaraı otyryp, 15.9 paıyzdy moıyndadym. Sondyqtan keıingi saılaýda bıliktiń ózine uıat. Menen keıingi kandıdatty nemese partııany 6-9 paıyzǵa tómendetýge jol berilmeıdi. Men shamamen 15 paıyz daýys jınadym. Buǵan deıin mundaı sandar bolǵan joq. 15% – bul birinshi ret. Qazaqstannyń oppozııasııasy úshin bul-jeńis! Kez-kelgen partııasyz, resýrstarsyz biz osyndaı nátıjelerge qol jetkizdik. Men qazaq oppozısııasyndaǵy legıtımızasııany kóterdim. Meniń oıymsha, bul úlken psıhologııalyq, saıası jeńis",-dedi Qosanov.

Sóz sońynda Qosanov ózine daýys bergen azamattardan keshirim surady. Ol bul nátıjeniń úlken jeńis ekenin atap ótti.