• USD 383.43
  • EUR 429.83
  • RUB 5.96
  • CNY 55.39

10 Maýsym, 2019 NEWS

Germanııadan kelgen baıqaýshy Born Volf Qazaqstanda ótken saılaýǵa óz baǵasyn berdi

Qazaqstanda Prezıdent saılaýy ádil ári ashyq ótti.

Germanııadan kelgen baıqaýshy Born Volf Rýthart Karl osyndaı pikir bildirdi dep habarlaıdy Qamshy.kz aqparat agenttigi QazAqparat tilshisine silteme jasap. 

"Qazaqstan Eýropadaǵy qaýipsizdik jáne yntymaqtastyq uıymynyń asa mańyzdy múshesi bolyp tabylady. Qazaqstan bıligi eldegi prezıdent saılaýyn baqylaýǵa EQYU adam quqyqtaryn qorǵaý boıynsha bóliminiń mamandary shaqyryldy. Bul da Qazaqstannyń saılaýdy ádil ótkizýge múddeli ekendigin bildirse kerek. EQYU ókilderi úlken monıtorıng júrgizdi.  Bul boıynsha naqty usynystar beriletin bolady. Biraq, biz ózimiz elektoraldy zań talaptarynyń buzylý derekterin baıqamadyq. Barlyq saılaý prosesi normalar men standarttarǵa saı boldy", - dedi Born Volf.

Al Býndestag eks-depýtaty, Almaty oblysynyń týmasy Haırıh Sertık áli de saılaýshylardyń elektoraldy tártip týraly bilimin arttyrý kerektigin eskertti.

"Men Býndestag depýtaty bolǵanmyn. Ekinshi ret Prezıdent saılaýyn baıqaýǵa múmkindik týdy. Men óz bilimimdi Qazaqstanda paıdalanyp jatqanyma qý-anyshtymyn. Biz óz mıssııamyzdy atqardyq. Eshqandaı  zańbuzýshylyq baıqamadyq. Ár ýchaskede bizden basqa 8-10 baıqaýshy qatysty. Biraq, bir ýchaskede áıel kelip, Máskeýdegi qyzynyń qalaı daýys bere alatynyn surady. Árıne, saılaý bolatyn kúni bul múmkin emes. Oǵan aldyn ala tirkelý kerek edi. Osy jaǵynan daýys berýshilerdiń bilimin kóterý kerek degen oıdamyn", - dedi  Haırıh Sertık.

Qate tapsańyz, qajetti bólikti tańdap ctrl+enter basyńyz.

Pikir qaldyrý

1 pikir

serıkbaı 12 Maýsym, 2019

kelgen baqlaýshylar ne soqyr sańraý ne bideńe dám etip kelgender