Qazaqstannyń áskerı teńizshileri halyqaralyq armııalyq oıyndarǵa daıyndalýda

Qazaqstan Respýblıkasy Qarýly Kúshteri Áskerı-teńiz kúshteriniń «Mańǵystaý» kemesiniń ekıpajy tamyz aıynda Ázirbaıjan eliniń Kaspıı teńizi akvatorııasynda ótetin Halyqaralyq armııalyq oıyndarǵa daıyndalýda.

«Teńiz Kýbogi» saıysynda Qazaqstan Qarýly Kúshteriniń namysyn «Mańǵystaý» kemesi qorǵaıtyn bolady. Onyń quramyna 65 áskerı qyzmetshi kiredi. Olar saıystyń úsh túrine qatysatyn bolady, ol kemeniń maqsaty boıynsha qoldanylýy (artıllerııalyq oqpen atys), kemeniń saqtalýy úshin kúres jáne teńiz mashyqtylyǵy men qutqarý jumystary saıysy.

Osy kúnderi, «Mańǵystaý» kemesiniń ekıpajy áýedegi, teńizdegi nysanalar boıynsha atys jattyǵýlaryn júrgizip, júzip júrgen mınalarǵa qarsy turý boıynsha daıyndyqtar júrgizýde. Árbir jattyǵý saıyn, jeke quram óz biliktiligi men úılesimdiligin arttyryp, tájirıbelerin arttyrýda.

Atalmysh saıysqa qatysýǵa Kaspıı mańy elderiniń sý syıymdylyǵy 1000 tonnadan aspaıtyn kishi kemeleriniń qatysýyna ruqsat etilgen. Shart boıynsha, olardyń artıllerııalyq jáne atys qarýlarymen qosa, qutqarý sharalaryn oryndaý úshin kishi kólemdegi júzý quraldary (kater, shlıýpka) bolýy tıisti. Bul Reseı Fedarsııasy, Iran Islam Respýblıkasy, Ázirbaıjan Respýblıkasy men Qazaqstan Respýblıkasy Qarýly Kúshteriniń kemelerine qatysýyna múmkindik beredi.

Esterine sala ketsek, «Teńiz Kýbogy-2019» (áskerı bıatlon) saıysy 2019 jylǵy Halyqaralyq armııalyq oıyndardyń baǵdarlamasyna engen jáne osy saıysqa Qazaqstan Qarýly Kúshteriniń Áskerı-teńiz kúshteri qatysatyn bolady.