• USD 383.43
  • EUR 429.83
  • RUB 5.96
  • CNY 55.39

10 Maýsym, 2019 Mańǵystaý oblysy

Mańǵystaý oblysynda medısınalyq saqtandyrý qorynyń jumysy qarqyndy júrýde

Mamyr aıynda Mańǵystaý oblysy boıynsha medısınalyq saqtandyrý qoryna 459 mln teńge shamasynda jarna túsken, al respýblıka boıynsha túsken jarna kólemi 9,5 mlrd teńgeden asady. Bul týraly Medısınalyq saqtandyrý qorynyń Mańǵystaýdaǵy fılıaly habarlady.

-Mamyr aıynda Mańǵystaýdan túsken qarajattyń 458 mln teńgesin – jumys berýshiler, qalǵan 247 myń teńgege jýyǵyn  jeke kásipkerler men AQK negizinde eńbek etetin sanat aýdarǵan, - deıdi ÁMSQ fılıaly dırektorynyń orynbasary Kerımbaeva Janetta Nurbergenqyzy.saktandyrý

         Júıe iske qosylǵan 2017 jyldyń 1 shildesinen 2019 jyldyń 31 mamyryna deıingi aralyqta Mańǵystaý oblysynan  jınaqtalǵan jarnanyń jalpy somasy 9,014 mlrd  teńgeni qurady. Al respýblıka boıynsha  2017 jyldyń 1 shildesinen 2019 jyldyń 31 mamyryna deıingi aralyqta jınaqtalǵan jarnanyń jalpy somasy 176,7 mlrd teńge bolyp otyr. Aımaqtyq turǵydan alǵanda, jarna tóleý jaǵynan burynǵysha Almaty, Astana qalalary men Qaraǵandy oblysy kósh bastap tur. Mańǵystaý oblysy 7-shi orynda.

Jınaqtalǵan qarjy Ulttyq bankte saqtalady. Bolashaqta MÁMS paketi sheńberindegi qyzmetter aqysyn tóleýge jumsalady. Elimizdiń bas bankimen qarjyny senimgerlik basqarý týraly kelisim bekitilgen.

Mindetti áleýmettik medısınalyq saqtandyrý júıesi 2020 jyldyń 1-shi qańtarynan bastap engiziledi.

 

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir