• USD 378.65
  • EUR 430.07
  • RUB 6
  • CNY 55.1
26 Tamyz, 16:21:26
Nyǵmatýlın Parlamenttiń qos palatasyn birlesken otyrysqa shaqyrdy

07 Maýsym, 2019 Mańǵystaý oblysy

Mańǵystaý oblysynda jyl basynan beri 5633 otbasy ataýly áleýmettik kómek aldy

Bul týraly óńirlik kommýnıkasııalar qyzmeti alańynda ótken brıfıngte oblystyq jumyspen qamtýdy úılestirý jáne áleýmettik baǵdarlamalar basqarma basshysynyń orynbasary Qarashash Nurmamedova málimdedi.

2018 jyly oblys boıynsha 9100 adam ǵana ataýly kómekti alsa, jyl basynan bul kórsetkish birneshe ese kóbeıip, AÁK alǵandar sany 32025 adamǵa (5633 otbasy)  jetken. Respýblıkalyq bıýdjetten 2018-jyly 469 mln teńge bólinse, osy jyldyń tek bir ǵana mamyr aıynda 733 mln 600 myń teńge tólengen. Bul degenimiz, osy járdemaqyǵa muktaj azamattardy qamtý sharalary úkimet tarapynan joǵary deńgeıde júrgizilip jatqandyǵyn bildiredi. Jyl sońyna deıin  áli 9 myńdaı ótinish qaralý josparlanýda.

«Aıta ketetin bir jáıt, qujat tapsyrǵysy keletin úmitker aýdan ortalyǵynan shalǵaı aýylda tursa, aýyl ákimine tikeleı baryp ataýly kómekke alýǵa ótinish jaza alady, oǵan onyń tolyq quqyǵy bar. Sebebi,  «E-XALYK» júıesi árbir ákimdikte ornatylǵan. Osylaısha uzyn-sonar kezek bolmaı, máselesi tez arada sheshimin tabady. Sonymen qatar, kópe-kórneý  jalǵan aqparat usynyp, qujattary sáıkes emes azamattarǵa járdemaqy tólenbeıdi. Alaıaqtyqqa jol berilip jatqan faktiler de az emes. Jyl basynan beri 32 myńnan astam adamǵa taǵaıyndalǵan kómektiń 16800-i 18 ge tolmaǵan balalar qurap otyr» , - dedi oblystyq jumyspen qamtýdy úılestirý jáne áleýmettik baǵdarlamalar basqarma basshysynyń orynbasary Qarashash Ishbergenqyzy.

Ataýly áleýmettik kómek - bul az qamtylǵan azamattarǵa jáne tabystary tómen deńgeıdegi otbasylarǵa, onyń ishinde kópbalaly otbasylarǵa beriletin aqshalaı tólem. Bıylǵy jyldyń 1-sáýirinen bastap ataýly kómektiń krıterııleri ózgergen. Birinshi, buryn járdemaqy kúnkóris deńgeıiniń 50 paıyzyn qurasa, qazirgi tańda 70 paıyzy mólsherinde tólenip otyr. Oblys boıynsha kúnkóris deńgeıi 33553 teńgeni qurasa, ataýly áleýmettik kómekke úmitker adamnyńotbasy múshesine 23487 teńgeden jetpegen jaǵdaıda bul otbasy kómek akshany alýǵa quqyly bolyp tabylady. Ekinshi, tapsyratyn qujattar tizbesi ońtaılanǵan, ıaǵnı bir ǵana jeke basyn kýálandyratyn qujatpen esepke tura alady. Sebebi, úmitker týraly barlyq aqparattar halyqty eńbekpen jáne áleýmettik qorǵaý mınıstrliginiń aqparattyq júıesine engizilgen. Osynyń arqasynda qoljetimdilik ulǵaıyp, múmkindikter  artqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir