ShQO-ny 13 myń adam tastap ketti. Nege?

Ústimizdegi jyldyń 1-sáýirinde Shyǵys Qazaqstan oblysynda 1 mıllıon 377 myń 525 adam turyp jatqan. Bir jyl qorytyndysymen alǵanda aımaqtaǵy turǵyndar sany 5318 adamǵa, 0,4 paıyzǵa azaıǵan dep jazady Qamshy.kz aqparat agenttigi Ýstınka saıtyna silteme jasap.

Statıstıkalyq málimetter kórsetip turǵan halyq sanynyń tómendeý úderisi mıgrasııa áserinen. ShQO-ny 12870 adam tastap ketken. Biraq tabıǵı ósim nátıjesinde elimizdiń bul aımaǵy 7652 adamǵa qaıta tolyqty. Qorytyndy esepte oblys aımaǵynan tysqary ketkender sany azaıdy. Shyǵys Qazaqstan oblysy turǵyndar sany boıynsha Almaty, Túrkistan oblysy men Almaty qalasynan keıingi tórtinshi orynǵa ıe. Shyǵystaǵy azamattardyń 62 paıyzy qalalyq jerde tursa, 38 paıyzy aýyldyq jerde turaqtaǵan.

ShQO-da erlerge qaraǵanda áıelder sany aıtarlyqtaı basym. 1-sáýirdegi málimetke súıensek, aımaqtaǵy erler sany 657,5 myń boldy. Al názik jandylardyń sany 720 myńdy quraǵan.

Oblystaǵy halyq tyǵyz ornalasqan qalalar retinde О́skemen jáne Kýrchatov shaharlarynyń aty ataldy.