«Amanat» azamattyq platformasynyń negizgi mıssııasy – kezekten tys Prezıdent saılaýynyń adal ári ashyq ótýine,sondaı-aq saılaý barysy jáne odan keıingi ahýalǵa qoǵamdyq monıtorıng júrgizý.
Qazirgi tańda elimiz boıynsha 10 692 baqylaýshy, Mańǵystaý oblysy boıynsha 223 táýelsiz baqylaýshy daıyndalǵan. Baqylaýshylardyń negizgi mindeti-saılaý zańnamasyna sáıkes baqylaý. Táýelsiz baqylaýshylardyń jalpy quramynyń 40 paıyzyn jastar, 60 paıyzyn orta býyn ókilderi qurap otyr.
О́ńirdegi táýelsiz baqylaýshylardy daıyndaý «Amanat» Azamattyq alańy arqyly júrgiziledi. Atqarylǵan sharalardyń nátıjesinde baqylaýshylar óz quqyqtary men mindetterine oqytyldy. «Amanat» alańynyń atqarǵan is-sharalary týraly óńir turǵyndaryn habardar etýde.
Mańǵystaý oblysy BAQ ókilderine óz tujyrymdamasy men baǵyttary jóninde brıfıng ótkizip, baspasóz konferensııasyn uıymdastyrdy.
Sondaı-aq, «Amanat» Azamattyq alańy Mańǵystaý oblysy fılıaldary boıynsha partııa kandıdaty shtabtaryna baryp kezdesken bolatyn. Kezdesýdiń maqsaty- jańadan qurylǵan «Amanat» Azamattyq platformasynyń tujyrymdamasynyń 5 negizgi byǵattarymen tanystyrý.
Birinshi kezek «NurOtan» partııasy kandıdatynyń shtabynan bastaldy. Kezdesýde «NurOtan» partııasy MOF-nyń tóraǵasynyń orynbasary- Esbergenova Zvıra Túgelqyzy jıynda úgit-nasıhat jumystarynyń júıeli túrde júrip jatqandyǵyn, oblys turǵyndarynyń saılaý aldy baǵdarlama men qajetti aqparattarmen qamtamasyz etilgenin aıtqan bolatyn. О́z kezeginde «Amanat» Azamattyq alańynyń óńirlik shtab jetekshisi- Jalǵasbaı Ǵalııa Turarqyzy 9-maýsym QR Prezıdentiniń saılaýy ádil ótýiniń maqsatynda shtabtyń baǵyty men aldaǵy ýaqytta atqarylatyn jumystaryn tanystyryp,ózekti bes baǵyt pen baqylaýshylardyń negizgi mıssııalaryn baıandady.
Ekinshi kezdesý «Qazaqstan Kommýnıstik Halyq partııasy» kandıdatynyń shtaby boldy. Shtab basshysy- Mahambetova Roza Qarymsaqqyzy jáne shtab múshelerine aldaǵy saılaýdyń eldiń damýy úshin asa mańyzdy qadamdardyń biri ekendigi aıtyldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir