• USD 378.65
  • EUR 430.07
  • RUB 6
  • CNY 55.1
26 Tamyz, 16:07:19
Nyǵmatýlın Parlamenttiń qos palatasyn birlesken otyrysqa shaqyrdy

09 Maýsym, 2019 Saıasat

Saılaý-2019 bastaldy: eń birinshi daýys bergen Japonııadaǵy qazaq stýdenti (vıdeo)

OSK málimeti boıynsha Qazaqstanda tańǵy saǵat segizdegi jaǵdaı boıynsha 9920 saılaý ýchaskesinde daýys berý bastaldy.

Qazaqstanda kezekten tys prezıdent saılaýy bastaldy dep habarlaıdy Qamshy.kz aqparat agenttigi.

Elde saılaý ýchaskeleri Nur-Sultan ýaqytymen tańerteńgi saǵat 7.00-de ashylyp, keshki saǵat 20.00-ge (48 ýchaske tańǵy 6.00-den bastap ashylady) deıin jumys isteıdi. Ortalyq saılaý komıssııasy (OSK) buǵan deıin el aýmaǵynda 9 970 saılaý ýchaskesi, al Qazaqstannan tys jerde 51 elde 65 saılaý ýchaskesi ashylady dep habarlaǵan bolatyn.

Qazaqstannyń syrtqy ister mınıstrliginiń dereginshe, 9 maýsymda alǵash bolyp Japonııa jáne Koreıadaǵy qazaqstandyqtar daýys bergen. Aldyn ala derek boıynsha, Qazaqstannan tys jerde 13 myń qazaqstandyq bar.

OSK dereginshe, Qazaqstanda saılaýǵa daýys berýge quqyǵy bar 11 814 019 adam bar.

Eń birinshi bolyp daýys bergen Japonııada bilim alyp jatqan Qazaqstan azamaty - Ilııas Qurmanǵalı esimdi stýdent.

Qazaqstandy otyz jylǵa jýyq basqarǵan Nursultan Nazarbaev bıyl naýryzdyń 19-y kúni prezıdenttik ókiletin toqtatatynyn kenetten málimdep, sol kezge deıin senat spıkeri bolǵan Qasym-Jomart Toqaevty ornyna ýaqytsha prezıdent etip qaldyrǵan. Al sáýirdiń 9-y kúni Toqaev Qazaqstanda bıyl maýsymnyń 9-y kúni kezekten tys prezıdent saılaýy ótetinin jarııalaǵan.​

Qazaqstanda prezıdent saılaýlary 1991, 1999, 2005, 2011 jáne 2015 jyly ótken. Olardyń úsheýi kezekten tys boldy. Barlyǵynda eldiń burynǵy prezıdenti Nursultan Nazarbaev jeńgen. Batys baqylaýshylary Qazaqstandaǵy prezıdent saılaýlarynyń eshqaısysyn halyqaralyq standartqa sáıkes ótti dep tanyǵan joq.

Bıylǵy saılaýdyń ereksheligi - elbasy Nursultan Nazarbaev úmitker retinde saılaýǵa qatyspaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir