• USD 378.65
  • EUR 430.07
  • RUB 6
  • CNY 55.1
24 Tamyz, 06:54:22
Qoryqshylardyń materıaldyq-tehnıkalyq bazasy kúsheıtiledi

09 Maýsym, 2019 Saıasat

Qazaqstan Respýblıkasy OSK-nyń Saılaýshylarǵa úndeýi

Saılaý ýchaskelerinde daýys berý saǵat 07:00-den 20:00-ge deıin júrgiziledi.

OSK barlyq saılaýshylaryn Qazaqstan Respýblıkasy Prezıdentiniń kezekten tys saılaýyna shaqyryp, úndeý tastady dep habarlaıdy Qamshy.kz aqparat agenttigi. 

Qurmetti saılaýshylar!

Qazaqstan Respýblıkasy Ortalyq saılaý komıssııasy 2019 jylǵy 9 maýsymda elimizdiń barlyq saılaýshylaryn Qazaqstan Respýblıkasy Prezıdentiniń kezekten tys saılaýyna shaqyrady.

Qazaqstan Respýblıkasynyń Konstıtýsııasy respýblıka azamattaryna memlekettik organdarǵa saılaý jáne saılaný quqyǵyna kepildik beredi. Saılaý quqyǵyn júzege asyrý úshin siz daýys berýge qatysýyńyz qajet.

Saılaý ýchaskelerinde daýys berý saǵat 07:00-den 20:00-ge deıin júrgiziledi.

Saılaý kúni búkil el jáne shetelde boıynsha 9968 saılaý ýchaskesi jumys isteıtin bolady.

 

Barlyq deńgeıdegi saılaý organdary daýys berý kúni barlyq saılaý rásimderin qatań saqtaýǵa tıis. Sizdiń árqaısyńyzǵa daýys berý qupııasy qamtamasyz etiledi.

Daýystardy sanaý prosedýrasy barynsha ashyq, al aldyn ala daýys berý qorytyndylary qysqa merzimde jarııalanatyn bolady.

Saılaý bıýlletenderin alý úshin ýchaskelik saılaý komıssııasynyń múshelerine sizdiń jeke basyńyzdy kýálandyratyn qujatty usyný qajet.

Eger daýys berý quqyǵyn beretin esepten shyǵarý kýáligi bolǵan jaǵdaıda, ony ýchaskelik saılaý komıssııasynyń múshelerine de kórsetý qajet.

Saılaýda daýys berý quqyǵyn basqaǵa berý jáne basqa tulǵa úshin daýys berýge jol berilmeıdi.

Saılaý bıýlletenderin siz óz qolyńyzben jasyryn daýys berýge arnalǵan kabınada ǵana toltyratynyn este saqtańyz. Qaǵaz bıýlletenderdi toltyrý kezinde, siz daýys beretin kandıdattyń teginen oń jaqtaǵy bos sharshyǵa kez kelgen belgi qoıyńyz.

Bıýlletenge qaryndashpen belgi qoıýǵa, sondaı-aq oǵan qandaı da bir túzetýler engizýge jol bermeńiz. Mundaı bıýlletender, sondaı-aq saılaýshylardyń erkin bildirýin anyqtaý múmkin emes bıýlletender jaramsyz dep sanalady, demek Sizdiń daýysyńyz eskerilmeıdi.

Sonymen qatar, saılaý bıýlletenin jarııalaýǵa jáne taratýǵa jol berilmeıdi, sebebi bul zańmen belgilengen jaýapkershilikke tartýǵa ákep soqtyrýy múmkin.

Eger saılaý kúni Siz saılaý ýchaskesine densaýlyq jaǵdaıy boıynsha nemese otbasynyń aýrý múshesine kútim jasaý sebebinen kele almasańyz, sondaı-aq saılaý ýchaskesi qurylmaǵan shalǵaı jáne jetý qıyn jerde bolǵan jaǵdaıda, Siz ýchaskelik saılaý komıssııasyna «úıde» daýys berýdi uıymdastyrý týraly ótinishpen júginýge quqylysyz.

О́tinishter 2019 jylǵy 9 maýsym saǵat 12:00-ge deıin qabyldanady.

Qazaqstan Respýblıkasy Ortalyq saılaý komıssııasy sizderdi joǵary azamattyq belsendilik pen elimizdiń qazirgi jáne bolashaǵy úshin jaýapkershilik tanytýǵa, saılaý ýchaskelerine kelip, óz tańdaýyńyzdy jasaýǵa shaqyrady!

Biz Qazaqstan Respýblıkasy Prezıdentiniń ashyq, adal jáne ádil saılaýy úshin! Saılaýǵa kelińizder! Daýys berińizder! Sizdiń tańdaýyńyz- Sizdiń bolashaǵyńyz!

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir