Rınat Zaıtov saılaý aldyndaǵy qorytyndy sózin aıtty (vıdeo)

Rınat Zaıtov saılaý aldyndaǵy qorytyndy sózin jarııalady dep habarlaıdy Qamshy.kz aqparat agenttigi.

"Assalamaǵaleıkým, ardaqty Otandastar, qadirli baýyrlar, aǵaıyn, týysqandar, qarǵa tamyrly qazaq! Minekı, sanaýly saǵattardan keıin, buıyrsa, saılaýdyń úgit-nasıhatyn júrgizý toqtatylady. Sonyń aldynda Sizderge aıtar bir-aq aýyz sózim bar. О́zderińiz aınalaǵa oılanyp qarańyzdar. Qaısy saılaýda bıliktiń kandıdatyna qarsy kandıdatqa osyndaı avtosherýler uıymdastyrdy? Qaı saılaýda bıliktiń kandıdatyna qarsy kandıdatqa qoldaý jasap, dál sol bıliktiń kandıdatynyń jıynynda bizdiń aq jaýlyqty ájelerimiz sóılep, stýdentterimiz taısalmaı, keýdelerine ózderiniń qalaýlaryn jazyp alyp shyqty? Endi oılanatyn kez jetti, aǵaıyndar. 

Erteń barlyǵymyz saılaýǵa baryp, barlyǵymyz baqylaýshy bolyp, barlyǵymyz ózimizdiń erteńimiz úshin kúrespesek, biz úshin eshkim kúrespeıdi. 

Al qoldan saılaý jasap otyrǵan saılaý ýchaskeleriniń basshylary, ákim qaralar, barlyqtaryńyzǵa aıtarym bir-aq aýyz sóz. Kúni keshe ǵana Qazaqstan Bilim Mınıstrliginiń orynbasary qamaýǵa alyndy. Onyń aldynda ne boldy? Eki premer-mınıstr sottaldy, qanshama ákim, bastyq, general sottaldy? Demek, bul qazirgi bıliktiń júıesi óziniń de, ózgeniń de adamdaryn aıamaıdy. Sondyqtan ózderińizdiń bolashaqtaryńyz úshin, erteń urpaqtyń aldynda qarabet bolma úshin eshkimge daýys bermeseńizder de, meıli, qalaǵan, kandıdattaryńyzǵa daýys berińizder. Biraq saılaýdy ádilestkiz ótkizemiz dep yqpal jasamańyzdar. Bul eldiń bolashaǵy barlyǵymyzdyń qolymyzda. Sondyqtan, barlyǵymyz erteń saılaýda bet jyrtyspaıtyndaı, barlyǵymyz bir aǵaıyn, týystaı bolyp, ádiletti saılaýdyń bolýyna atsalysyńyzdar, qurmetti aǵaıyndar. 

Bul— bizdiń tańdaýymyz. Bul —bizdiń bolashaǵymyz.

Anaý boldy, mynaý boldy kezinde,

Dep aıtýmen bola bermes tózýge.

Saılaýǵa kel, eı, aǵaıyn,

Erteń-aq...

О́z erteńiń... óz erteńiń ózińde... 

О́z erteńimizdi ózimiz qalaıyq, aǵaıyn!"