• USD 378.65
  • EUR 430.07
  • RUB 6
  • CNY 55.1
21 Tamyz, 22:46:39
Senim údesinen shyqqan bank

24 Mamyr, 2019 NEWS

Tarıhtan taǵylym: Ulttyq ıdeıa jáne din máseleleri

Sharanyń basty maqsaty: jastardy qazaqy bolmysymyzdan ajyramaı, ulttyq ereksheligimizdi saqtaı otyryp damýǵa baǵyttaý.

«Adyrna» ulttyq-etnografııalyq birlestiginiń uıymdastyrýymen Almaty qalasy QR Ulttyq kitaphanasynda ǵylymı-tájirıbelik konferensııa bolyp ótti dep habarlaıdy Qamshy.kz aqparat agenttigi. 

 

Atalǵan shara «Tarıhtan taǵylym: ulttyq ıdeıa jáne din máseleleri» taqyrybynyń aıasynda keń aýqymdy qamtydy.
Stýdent jastar men konferensııaǵa arnaıy kelgen qonaqtardyń aldynda alǵashqy sóz kezegi aqyn, etnograf Ábýbákir Qaıranǵa berildi. Ábýbákir aǵa qazaq balasynyń basty maqsaty- ulttyq sanany jańǵyrtý ekendigin aıta kele, «Túbimizdi zerttep, tarıhymyzdy tanýǵa endi ǵana bilek sybana kirisip jatqanymyz ókinishti-aq. Dese de, eshten kesh jaqsy», – degen oıyn bildirdi.

adyrna


Fılosofııa ǵylymdarynyń doktory Baqytjan Satershınov, fılologııa ǵylymdarynyń kandıdaty Rashıd Mýhıtdınov, etnograf, mádenıettanýshy Berdaly Ospan, dintaný ǵylymynyń magıstri Elnar Berikbaev syndy azamattar túrli taqyrypta baıandamalar oqyp, tyńdarmandarǵa din men dástúr, ulttyq múdde uǵymynyń mán-mańyzyn aıqyn ashyp kórsetti. Sharaǵa qatysýshy jastardy jalyndy jyrymen sýsyndatyp, astarly pikir bildirgen aqyn Amanǵazy Káripjan myrza dinı, hám rýhanı saýatty bolýǵa shaqyryp, «Neǵurlym túsiniksiz dúnıe soǵurlym ózine tabyndyrady»,-dep qorytyndylady.


Aty atalǵan azamattarymyzdan bólek, tanymdyq keshtiń kórkin qyzdyra túsken dástúrli ánshiler qobyz, dombyra aspaptarynda halyq ánderin oryndap, tyńdarmandaryn tánti etti.


Ǵylymı-tájirıbelik konferensııanyń sońy qatysýshylar arasyndaǵy pikir almasýǵa ulasyp, «Uly dalanyń jeti qyry» kitap kórmesin tamashalaýmen óz jalǵasyn tapty.


«Adyrna» ulttyq-etnografııalyq birlestiginiń prezıdenti Arman Áýbákir konferensııa sońynda atalmysh sharalardyń jyl sońyna deıin jalǵasatynyn atap ótti.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir