Ákimshilik polısııa komıteti: "Saılaý kúni adamdardyń kóp jınalýyna jol bermeımiz"

Barlyq shara kúsheıtilgen rejımge saı atqarylady jáne qoǵamdyq tártipti buzý áreketteri bolsa, tıisti shara qoldanylady dep habarlaıdy Qamshy.kz aqparat agenttigi Komıtet tóraǵasynyń málimdemesine súıenip. 

Alaıda, saılaý kezinde adamdardyń jınalýyna tyıym salynbaıdy.

"Birinshiden, ruqsat etilmegen mıtıng bolsa, bizdiń negizgi mindetimiz – qoǵamdyq tártipti saqtaý. Ondaı sharalar kez kelgen jaǵdaıda atqarylady. Saılaý kúni adamdardyń kóp jınalýyna jol bermeımiz. Biz bárin jospar boıynsha atqaratyn bolamyz. Árıne, ishimdik ishý, qoǵamdyq orynda mas kúıde júrý sııaqty tártip buzýshylyq bolsa, mindetti túrde shara qoldanamyz", - deıdi Baıbolov.

Árbir óńirlik organ ózi ornalasqan jerde tártipti baqylaıtyn bolady.

"Saılaý ótetin kúni barlyq aımaqtarda tártipti qadaǵalaý sharalary júrgiziledi. Bul – zań talaby. Negizi, artyq shyǵyn shyqpaıdy degen jospar bar. Munyń bári qoǵamdyq tártipke bólinetin qarajattyń esebinen bolady. Aımaqtardan qosymsha kúsh tartylmaıdy. ", - dedi Baıbolov.

Onyń aıtýynsha, búginde naqty nusqaý bar. Quqyq qorǵaýshylar qoǵamdyq tártipti qadaǵalaýǵa shyqqanda arnaıy qural-jabdyqtaryn da alyp shyǵady. Bunyń bári normatıvtik-quqyqtyq aktilermen bekitilgen.

–Zańda qarýdy jáne arnaıy qural-jabdyqtardy qoldaný sharttary jazylǵan. Dál qazir atap aıta almaımyn. О́ıtkeni qatelesýim múmkin. Biraq zańǵa baǵynbaý nemese azamattardyń ómiri men densaýlyǵyna qaýip tóndirý sııaqty áreketter bolsa, arnaıy quraldardy qoldanýǵa ruqsatymyz bar, - deıdi Baıbolov.

 Oqı otyryńyz:

"Bul bireýden qorǵaný úshin emes": 21 myńnan astam polıseı jumysqa shyǵady