Marhaba Sábı: "Elimizdi ózgertetin bir "Jasylskııdi" kútemin..."

О́zgerý kerek, ózgertý kerek!
Ashylyp aspan, súıilsin túnek.
Qoryqpaý kerek, qaımyqpaý kerek!...

"Júıe" — sońǵy jyldardaǵy saıası án. Kesheden beri talqylaýǵa túsken ánniń oryndaýshysy — Marhaba Sábı. Marhaba qazaqstandyq shoý-bızneste "Unaıdy maǵan" ánimen tanymal boldy desek, qatelespeıtin shyǵarmyz. Sondaı-aq óz tyńdarmanyn tapqan "Aıaldama", "Ǵana" ánderi de bar. Erekshe ánshi basqa ánshilerden mýzykalyq janry arqyly daralanady. Endi saılaýdan birneshe kún buryn "Júıe" dep atalatyn saıası ánin jaryqqa shyǵardy.  Qamshy.kz aqparat agenttigi Marhaba Sábımen suhbattasty. 

— Marhaba, kúni keshe jaryqqa shyǵarǵan ánińiz qyzý talqylanýda. Jalpy bul kimniń ıdeıasy? Saıası astary bar ándi shyǵarýǵa qandaı jaıt túrtki boldy? Mundaı ándi shyǵarýdaǵy maqsatyńyz ne?

— Bul ándi shyǵarýǵa óz kózqarasymyz sebep boldy. Tańerteń úıden shyqqannan bastap qate júıeniń  sebep-saldaryn óz kózińmen kóresiń. Sondyqtan ózdiginen týyndaǵan ıdeıa boldy. Qazirgi kezeńmen úndes bir án bolýy kerek dep sheshtim.

— Bul ándi shyǵarý barysynda ata-anańyz qarsy boldy ma? Olarǵa qalaı túsindirdińiz?

— Ata-anam meni qoldaıdy.

— Ánińiz arqyly «Qate júıe, qyńyr júıe» dep eldegi keleńsizdikterdi ashyq aıyptaısyz. О́zińiz qandaı ádiletsizdikterge tap boldyńyz? 

— Júıeniń salqyny bárimizge tıedi.  Qalasaq ta, qalamasaq ta osy júıeniń aıasynda ómir súrip jatyrmyz. Biraq úndemeı, kónip, kelisip otyra berýge bolmaıdy. Bizdiń el jaqsy qoǵamǵa, jaqsy ómirge laıyq.

— Qolyńyzda bılik bolsa, qandaı ózgeristerdi jasaıtyn edińiz? 

— Men óner adamymyn. Durys qoǵamda qatardaǵy adam retinde ómir súrgim keledi.

— Sizdiń ánińizdi «kezekti haıp» dep synǵa alatyndarǵa aıtar jaýabyńyz?

— О́z deńgeıimde durys kózqarasym úshin kúresip taza júrgen adammyn. Haıp dep qabyldaıtyn adamdar kóp bolady dep oılamaımyn.
О́ner aınaladaǵy bolyp jatqan dúnıelerdiń aınasy bolýy kerek. Sol kezde shynaıy bolady.

— Saılaýǵa barasyz ba? Kimge daýys beresiz, álde baıkot jarııalaısyz ba?

— Daýys berýge bara qalsam, Ámirjan Qosanovqa daýys beremin. Barmaýym da múmkin. О́ıtkeni halyqty birneshe topqa bólip jiberetin túsiniksiz jaǵdaı bolyp jatyr. Qalaı bolǵanda da búgingi júıeniń ózgergenin qalaımyn.

— Qazirgi kandıdattardan bólek kimdi prezıdent bolýǵa laıyq dep esepteısiz?

— Elimizdi shynymen ózgertetin bir "Jasylskııdi" kútemin.

— Saılaýdan keıingi Qazaqstandy qalaı elestetesiz? 

— Bári halyqtyń belsendiligine baılanysty dep esepteımin. Halyqtan, kópshilikten úmit kútemin.

— Siz eki JOO-na túsip, ekeýin de aıaqtamaı shyǵyp ketipsiz? Ne sebep boldy?

— Iá, konservatorııa, Júrgenov atyndaǵy akademııany aıaqtamaı shyǵyp ketkenmin. Buǵan túrli kelispeýshilikter, ishteı qanaǵattanbaý, jańa ıdeıalardyń qoldaýǵa ıe bolmaýy, qaıtalana beretin memlekettik maǵynasyz, sapasyz konsertter sebep boldy.

— "Qazaqstanda dıplomsyz kún kórý múmkin emes" degen stereotıp bar. Qalaı kún kórip júrsiz?

— Eń sorly stereotıp.  Qazirgi zamanda óz-ózińe senimdilik pen biliktilik bolsa, jerde qalmaısyń. Dúnıe ınternetpen alǵa ketken zamanda, dıplomǵa emes, óz kúshińe, óz parasatyńa sený oryndy. Joǵary oqý orynsyz, dıplomsyz-aq, az ýaqytta kez kelgen mamandyqty ıgerip alýǵa bolady. Árıne, yqylas, nıet bolsa.  Tapsyrys boıynsha án, ánge mátin jazý arqyly nápaqamyzdy taýyp júrmiz. Birneshe konsertter de bar. О́zimizge jetedi.

— «Júıe» — elimizdegi alǵashqy saıası ánderdiń biri. Mundaı ánder karerańyzǵa keri áserin tıgizedi dep qoryqpaısyz ba?

— Men keri áserin tıgizetin memlekettik qyzmette júrgen adam emespin.  Qorqýǵa da bolady. Qoryqpaýǵa da bolady. Árkimniń óz tańdaýy bar. 

— Sizdiń áriptesterińiz saıası máselege kelgen kezde únsiz qalýǵa, beıtarap pikir aıtýǵa tyrysady. Kóbisiniń belgili bir dárejede ataq-abyroıy bar. Siz ataq-dańqqa qyzyqpaısyz ba?

— "Ash bala toq balamen oınamaıdy" demekshi, jaqsy kúninen aırylýǵa qorqatyn shyǵar. Men mańdaı terim sińbegen, eńbegim sińbegen ataq-abyroıdy qalamaımyn.

— Ýaqyt bólip, suhbat bergenińiz úshin raqmet! Shyǵarmashylyq tabys tileımin!

Áńgimelesken: Ásel Bolatqyzy