07 Maýsym, 2019 Ekonomıka
Qazaqstannyń altyn qory 5 tonnaǵa tolyqty: qaıdan keldi jáne qaıda barady?
Qazaqstannyń altyn qory sońǵy bes aı ishinde 6,1 paıyzǵa, ıaǵnı 21,2 tonnaǵa tolyqty.
Altyn isi boıynsha Búkilálemdik keńestiń (WGC) málimetine súıensek, qundy metalldyń 1-maýsymdaǵy kólemi 366,6 tonnany quraǵan. 1-mamyr kúni bul kórsetkishtiń kólemi 361,7 tonna bolǵan. Demek, bir aı ishinde elimizdiń altyn qory 5 tonnaǵa tolyqqan.
Dál qazir Qazaqstan altyn qory boıynsha álemde 14-orynda tur. Alǵashqy úshtikti AQSh, Italııa jáne Germanııa túıindep tur.
AQSh-tyń jalpy altyn qoryndaǵy qundy metall kólemi – 8,1 myń tonnany, Germanııada 3,3 myń tonnany, Italııada 2,4 myń tonnany quraıdy. Al Reseı bul tizimde 2,2 myń tonna altynymen 5-orynǵa yǵysqan. Qytaıdyń qorjynyndaǵy 1,9 myń tonna altyn altynshy oryndy enshilepti.
Bıyl sheteldik kompanııalar Qazaqstannan altyn izdeý úshin 2 mıllıard teńgeden astam ınvestısııa salýdy josparlap otyr. Qazaqstannyń altyn rezervi 2015 jyldyń 1-mamyryndaǵy kórsetkishpen salystyrǵanda 1,6 mlrd dollarǵa azaıǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir