N. Nyǵmatýlın: Elbasy saıasaty О́zbekstanmen yntymaqtastyqtyń berik negizin qalady

Májilis Tóraǵasy Nurlan Nyǵmatýlın О́zbekstan Respýblıkasyna resmı sapary barysynda Olıı Majlısi Zaӊ shyǵarý palatasynyń Spıkeri Nýrdınjon Ismoılovpen kezdesti dep habarlaıdy Qamshy.kz aqparat agenttigi Májilis úıiniń baspasóz qyzmetine silteme jasap.

Búgingi tańda О́zbekstan bizdiń elimizdiń eń jaqyn, eń senimdi dos memleket ekenin aıtqan Májilis Tóraǵasy, Qazaqstannyń Tuńǵysh Prezıdenti Nursultan Nazarbaevtyń osy jyldar ishinde О́zbekstanmen yntymaqtastyqty damytýǵa erekshe nazar aýdaryp otyrǵanyn atap ótti.

"Májilis delegasııasynyń sapary О́zbekstandaǵy Qazaqstan jylynda atalyp ótýi, strategııalyq áriptestik pen tatý kórshilik qarym-qatynastardyń damyp kele jatqanyn taǵy bir ret dáleldeı túsedi," - dedi NurlanNyǵmatýlın.

О́z kezeginde О́zbekstannyń Olıı Majlısi Zaӊ shyǵarý palatasynyń Spıkeri Nýrdınjon Ismoılov Qazaqstannyń Tuńǵysh Prezıdenti Nursultan Nazarbaevtyń tarıhı rólin erekshe nazar aýdardy.

"Qazaqstan álemdegi tarıh pen mádenıetke baı elderdiń biri sanalady. Biz Tuńǵysh Prezıdenti Nursultan Nazarbaevtyń basshylyǵymen jetken Qazaqstannyń tabystaryna qýanyshtymyz. Sizdiń Elbasy búkil ómirin qazaqstandyqatrdyń ıgiligine arnap keledi,"– dedi.

Odan ári taraptar Qazaqstan men О́zbekstan arasyndaǵy yntymaqtastyqty damytýǵa Parlament ókilderiniń de zor úles qosyp otyrǵanyna toqtaldy.

Nurlan Nyǵmatýlın tıisti salalyq komıtetter men fraksııalyq jáne partııalar arasyndaǵy dıalogty nyǵaıtýǵa, yntymaqtastyq tobynyń áleýetin belsendi paıdalanýǵa qyzyǵýshylyq bildirdi.

Osy rette Májilis Tóraǵasy qazirgi ýaqytta О́zbekstan elinde qolǵa alynǵan reformalardy  zańdyq turǵydan qamtamasyz etý boıynsha depýtattardyń úlken jumystar atqaryp jatqanyn alǵa tarta kelip, qazaqstandyq áripstesterdiń is- tájirıbelerimen bólisýge daıyn ekendigin jetkizdi.

Sonymen qatar, N.Nyǵmatýlın Olıı Majlısi ótken jyly TMD Parlamentaralyq Assambleıasynyń quramyna kirgenin aıta kelip,  parlamentshiler arasyndaǵy baılanystardy arttyrý maqsatynda ózara is-qımyldy nyǵaıtýdyń mańyzdylyǵyna toqtaldy.

Májilis Tóraǵasy Nurlan Nyǵmatýlın О́zbekstannyń Olıı Majlısi Zaӊ shyǵarý palatasynyń Spıkeri Nýrdınjon Ismoılovty aǵymdaǵy jylǵy 23-24 qyrkúıekte Elordamyz Nur-Sultan qalasynda «Úlken Eýrazııa: Dıalog. Senim. Seriktestik» taqyrybynda ótetin Eýrazııa elderi parlamentteri tóraǵalarynyń IV Keńesineqatysýǵa shaqyrdy