AMD jáne Samsung kompanııalary strategııalyq seriktestik ornatty

AMD kompanııasy jáne Samsung Electronics AMD Radeon bazasyna negizdelgen óte qýatty, joǵary ónimdi grafıkalyq tehnologııalar salasyndaǵy kóp jyldyq strategııalyq seriktestik ornatatyny týraly málimdedi dep habarlaıdy Qamshy.kz aqparat agenttigi.

Samsung seriktestik ornatý aıasynda AMD grafıkalyq IP-bloktaryna lısenzııa beredi jáne ozyq tehnologııalardy qurýǵa baǵyttalady. Mobıldi qurylǵylardyń múmkindikterin arttyrý úshin grafıka aýmaǵyndaǵy máseleler retteledi.

«AMD kompanııasymen seriktestik ornatý naryqta ınnovasııalyq grafıkalyq ónimderdi usynýǵa jáne bolashaqtyń mobıldik qurylǵylaryn damytýǵa múmkindik beredi», - dedi Samsung Electronics kompanııasynyń System LSI baǵytynyń prezıdenti Inıýp Kang.

«Jeke kompıýterlerge, oıyn qurylǵylaryna, Radeon grafıkalyq tehnologııasyn engizý aıtarlyqtaı damyp keledi. Jáne biz Samsung syndy iri kompanııamen seriktestik ornatqanymyzǵa qýanyshtymyn. Bul biz úshin mobıldi qurylǵylar naryǵynda grafıkalyq ınnovasııalardy jasap shyǵýǵa úlken múmkindik ashyp otyr», - dedi AMD kompanııasynyń prezıdenti Laıza Sý.

AMD kompanııasy men Samsung arasyndaǵy seriktestik sharty mobıldi qurylǵylar úshin RDNA joǵary ónimdi grafıkalyq arhıtektýraǵa negizdelgen lısenzııany alýǵa jol ashady.