Anyqtama alý daýy: Er adam HQKO qyzmetkerin soqqyǵa jyqty

О́zge adamnyń atyna anyqtama almaq bolǵan er adam HQKO qyzmetkerin soqqy jyqty dep habarlaıdy Qamshy.kz aqparat agenttigi. Ol týraly "Azamattarǵa arnalǵan úkimet" memlekettik korporasııasynyń baılanys bóliminiń dırektory Murat Jumanbaı Facebook paraqshasynda jarııalady.

Nur-Sultan qalasyndaǵy Halyqqa qyzmet kórsetý ortalyǵyna mekenjaı anyqtamasyn alýǵa kelgen er adamnyń qujattaǵy túrine kúmándanǵan memlekettik korporasııanyń qyzmetkeri odan týǵan kúnin aıtýdy suraǵan. О́ıtkeni aldyna kelgen azamat pen qujattaǵy adamnyń túrleri eki bólek bolǵan.

Alaıda, azamat qoıylǵan suraqqa jaýap bere almaı, qyzmetkerdi balaǵattap, boqtyq sózdermen qorlaı bastaǵan. Bólim meńgerýshisi tártip saqshylaryn shaqyrǵan kezde, ol kóshege júgirip shyǵyp, belgisiz baǵytqa qashyp ketken.

Keıin belgili bolǵandaı, HQKO-ǵa balasy bar áıel kúıeýiniń atyna anyqtama almaq bolǵan. Kelinshek kezekte turǵan er adamnan anyqtama alyp berýin ótingen. Bolǵan jaǵdaıdan keıin kelinshek te Qyzmet kórsetý ortalyǵynan ketip qalǵan.

Soqqyǵa jyǵylǵan qyzmetker polısııaǵa aryz jazdy. Er adamdy tártip saqshylary izdestirip jatyr.