• USD 378.65
  • EUR 430.07
  • RUB 6
  • CNY 55.1
20 Tamyz, 03:13:56
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

06 Maýsym, 2019 Din men dástúr

Sháýýál aıynyń 6 kúndik nápil orazasyna qatysty 10 másele

Sháýýál aıynda alty kún oraza ustap, bir jyldyq saýapqa kenel

Paıǵambarymyz (s.ǵ.s.): «Kimde kim Ramazan aıynyń orazasynan soń Sháýýál aıynda 6 kún oraza ustasa, bir jyl oraza ustaǵandaı bolady» – dep,  bul aıda ustalatyn alty kún orazanyń mol saýabyn súıinshilegen (Sahıh Músilim). Bul oraza saýabynyń bir jylǵa para-par kelýin bylaısha túsinýge bolady. Alla Taǵala Quran Kárimde: «Kimde-kim bir jaqsylyq jasasa, oǵan onyń on ese qarymy beriledi» – degen. Ǵalymdar Sháýýál aıyndaǵy alty kún orazanyń bir jyldyq saýabyn osy aıatpen baılanystyrady. Ramazan aıyndaǵy otyz kún men Sháýýál aıyndaǵy alty kún qosylǵanda, otyz alty kún bolady. Bul san on esege kóbeıtilse, úsh júz alpys kúndi quraıdy. Mine, bul da Jaratýshy Iemizdiń bizge degen sheksiz meıirimi.

Sháýýal aıyndaǵy orazaǵa qatysty keıbir máseleler:

1.Sháýýál aıynyń orazasy nápil oraza bolyp tabylady. Iаǵnı, muny ustaý eshkimge mindet emes, musylmannyń óz erkinde. Degenmen, muny ustamaǵan jan joǵaryda keltirgen Paıǵambarymyzdyń (s.ǵ.s.) hadısindegi bir jyldyq orazanyń saýabynan qur qalady.  

2.Sháýýál aıynyń nápil orazasy tek Sháýýal aıynda ǵana ustalady. 

3.Sháýýál aıynyń nápil orazasyn arasyn úzbeı qatarynan, sonymen qatar arasyn úzip bólek-bólek kúnderde de ustaýǵa bolady.  Mysaly: beısenbi- juma nemese juma- senbi. Eger osyndaı etip ustasa, juma kúni oraza tutýǵa ruqsat. Tek dál juma kúnnen bastaýǵa bolmaıdy.

4.Ramazan aıynda túrli sebeptermen keı kúnderin qaza etip alǵan kisiler Sháýýál aıynda áýeli Ramazannyń qazasyn óteýine de, sonymen birge Sháýýáldiń alty kúndik nápilin ustasa da bolady.

5.Ramazan orazasyn ustamaǵan adamdarǵa da Sháýýal orazasyn ustaýyna bolady. Alaıda, olar Paıǵambarymyz (s.ǵ.s.) súıinshilegen bir jyldyq orazanyń saýabyn ala almaıdy. Sebebi, Ramazan orazasy – paryz. Ony ustamaý – úlken kúná.

6.Sháýýal orazasy da Ramazan orazasy  sekildi «tań» namazynan (Tań namazynyń kirýine 10 mınýt qalǵanda aýyz bekitiledi) bastalyp, «sham» namazyna deıin jalǵasady.

7.Hanafı mázhaby boıynsha Sháýýál aıynyń orazasyn Ramazan aıynyń qazasyn ótemes buryn ustaýǵa ruqsat etilgen.  

8.Oraza aıttyń birinshi kúni eshqandaı oraza ustalmaıdy. Aıttyń ekinshi kúninen bastap sháýýál aıyndaǵy alty kúndik nápil orazany nemese qaza orazalardy ustaı berýge bolady.   

9.Sháýýál orazasynyń nıeti qalaı jasalady?

Nıet degenimiz, ishteı bir nárseni oryndamaqqa oqtalý, sony ditteý degendi bildiredi. Sondyqtan da, kókeıde sháýýál orazasyna nıet etilgen bolsa, sonyń ózi jaramdy. Tilmen aıtý shart emes. Degenmen, aýyzsha aıtam deýshi kisi nıetin qazaq tilinde jasaı berse bolady. Mysaly bylaı dese bolady: «Nıet ettim Alla rızalyǵy úshin Sháýýál aıyndaǵy nápil orazanyń birinshi kúnin (ekinshi ne úshinshi kúnin...) ustamaqqa. HalısalıLláhı Taǵalá».

10.Aýyzasharda qalaı duǵa jasalady?

Aýyz ashqanda da ádettegideı sýmen nemese qurmamen ashyp, qazaqshalap tilek-duǵasyn jasaı beresiz. Arnaıy nıet-duǵasy joq.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir