UBT: Bilim granttaryn bólý formatyna ózgerister engizildi

Bıyl Ulttyq biryńǵaı testileýdiń (UBT) ótkizilý formatyna qatysty eshqandaı ózgerister bolmaǵanymen, bilim berý granttaryn bólý úrdisine birqatar ózgerister engizildi dep habarlaıdy Qamshy.kz aqparat agenttigi Bilim jáne ǵylym mınıstrligine silteme jasap.

Buryn-sońdy JOO memlekettik granttary mamandyq boıynsha bólinetin bolsa, endigi kezekte bilim berý baǵdarlamalarynyń toptary boıynsha bólinetin bolady. Atalmysh toptarǵa joǵary oqý oryndarynyń bir nemese birneshe bilim berý baǵdarlamalary kiredi.  Barlyǵy 97 top bar. 

Máselen, maýsym aıyndaǵy Ulttyq biryńǵaı testileýdegi synaqty talapker «Matematıka» + «Fızıka» pánderiniń kombınasııasy boıynsha tapsyrady delik. Sáıkesinshe, talapker úshin bilim berý baǵdarlamasynyń tobyn usynylǵan 25 baǵdarlamanyń ishinen tańdap alý múmkindigi týyndaıdy. Tómende pánder kombınasııasy men sáıkesinshe bilim berý baǵdarlamalary toptarynyń kólemi usynylǵan:   
"Bıologııa" + "Geografııa" - 9 
"Dúnıejúzi tarıhy" + "Geografııa" - 4 
"Matematıka" + "Fızıka" - 25 
"Hımııa" + "Bıologııa" - 16 
"Geografııa" + " Dúnıejúzi tarıhy " - 1 
"Qazaq tili" + "Qazaq ádebıeti" - 3 
"Orys tili" + "Orys ádebıeti" - 3 
"Shet tili" + " Dúnıejúzi tarıhy" - 5 
"Matematıka" + "Geografııa" - 9 
"Dúnıejúzi tarıhy" + "Adam. Qoǵam. Zań" - 2 
"Hımııa" + "Fızıka" - 1 
"Geografııa" + "Shet tili" – 2  
Shyǵarmashylyq emtıhan + Shyǵarmashylyq emtıhan (bilim berý baǵdarlamalary toptarynyń sany - 9).  

Joǵaryda aıtylǵandardy qorytyndylaı kele, túlekter úshin ózderi tańdaǵan JOO-ǵa ońaı túsýge qosymsha múmkindik beretin jańashyldyqtarǵa taǵy bir márte toqtalyp ketkimiz keledi: UBT-ny endi jylyna 4 ret tapsyrýǵa bolady. Testileýdi tapsyrǵan saıyn ár túrli pánder kombınasııasyn tańdaýǵa bolady. Bilim berý granttaryn jeńip alý úshin talapker mindetti túrde jazǵy UBT tapsyrýy qajet. 

Tehnıkalyq jáne kásibı bilim berý uıymdarynyń túlekteri UBT tapsyrmaı-aq, óz mamandyǵy boıynsha qysqartylǵan baǵdarlama boıynsha oqýyn jalǵastyra otyryp, JOO-ǵa aqyly negizde túse alady. Oqýǵa túsý úshin JOO emtıhandarynyń nátıjeleri jetkilikti.Sonymen qatar, keshendi testileý (KT) UBT-men biriktirildi.