• USD 378.65
  • EUR 430.07
  • RUB 6
  • CNY 55.1
21 Tamyz, 09:35:41
Alpınısterdiń naqty qaı jerde ekeni áli belgisiz

05 Maýsym, 2019 Ǵylym-bilim

Bilim salasyna kóńili tolmaǵan depýtattar Shámshıdınovaǵa shúılikti

Bilim sapasy emes, sertıfıkat mańyzdy ma?

Májilis depýtattary bilim jáne ǵylym mınıstrliginen aǵylshyn tilin bilmeıtin muǵalimderge ústemaqy tólemeýdi talap etti, dep habarlaıdy Qamshy.kz aqparat agenttigi Sputnik Qazaqstan tilshisine silteme jasap. 

Búgin májiliste úkimet pen respýblıkalyq bıýdjettiń atqarylýyn baqylaý jónindegi esep komıtetiniń 2018 jylǵy respýblıkalyq bıýdjettiń atqarylýy týraly esepteri qaraldy. Suraq-jaýap barysynda depýtat Jámıla Nurmambetova mektepterde úshtildilikke kóshý maqsatynda muǵalimderge aǵylshyn tilin oqytý máselesin kóterdi.

"Úkimettiń esebine sáıkes, 2018 jyly tildik kýrstan ótkeni týraly sertıfıkat alǵan 6740 muǵalimge ústemaqy tóleý úshin respýblıkalyq bıýdjetten 1,6 mıllıard teńgeden asa qarjy bólindi. 6740 muǵalimniń bári B jáne odan joǵary deńgeıdegi sertıfıkat alǵan. Alaıda olardyń tek 818-i ǵana, bul nábári 12 prosent, sabaqty tolyǵymen aǵylshyn tilinde berip júr. Al qalǵan 5922 pedagog tek jarym-jartylaı ǵana, ıaǵnı sabaqtyń tek jekelegen elementteri ǵana aǵylshynsha ótedi. Biraq, osy eki sanattaǵy muǵalimder aıyna birdeı ústemaqy – 35 394 teńge alady", - dedi depýtat.

Nurmambetovanyń aıtýynsha, qoldarynda sertıfıkaty bar muǵalimderdiń deni aǵylshyn tilin jetik meńgermegendikten, sabaqty bastan-aıaq aǵylshynsha ótkizýge kóshe almaı otyr. Muǵalimderdiń deni aǵylshyn tilin jetik meńgermese de, 1,6 mıllıard teńge ústemaqy tólengen.

"Eń qyzyǵy, muny eshkim problema retinde qarastyryp otyrǵan joq, tipti muǵalimderdiń ózi. Osydan keıin ústemaqy alýdyń jalǵyz krıterııi bilim sapasy emes, sertıfıkat qana ma dep qalasyń. Osyǵan baılanysty aıtyńyzshy, aǵylshyn tilin ártúrli deńgeıde oqytatyn muǵalimder nege birdeı aqsha alady?", - dep surady ol bilim jáne ǵylym mınıstrinen.

Shámshıdınova mektepterde pánderdi aǵylshyn tilinde oqytýǵa qatysty kóp másele týyndaǵanyn atap ótti.

"Aǵylshyn tilinde oqytý, tym quryǵanda, eki shartty oryndaǵan kezde bastalýy tıis edi. Birinshisi – muǵalimder daıyn bolǵan kezde, ekinshisi oqýshylardyń daıyndyq deńgeıi jetkilikti bolǵanda. Sol sebepti bıyl 352 mektepte ǵana pánder tolyǵymen aǵylshynsha ótedi", - dedi mınıstr.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir