05 Maýsym, 2019 Sport
Aýyr dertke shaldyqqan jýrnalıstiń emine tıisti qarajat jınalmaı jatyr (vıdeo)
Galına Polevaıa aıaǵynan turyp ketý úshin kúrdeli ota jasatýy kerek deıdi mamandar.
Aýyr dertke shaldyqqan belgili sport jýrnalısi Galına Polevaıanyń Túrkııada emdelip jatqanyna jarty jyldaı ýaqyt boldy dep habarlaıdy Qamshy.kz aqparat agenttigi «Habar 24» telearnasyna silteme jasap.
Osy aralyqta dárigerler naýqastyń súıek kemigin aýystyryp, túrli medısınalyq kómek kórsetti.
«Qazir Galınanyń jaǵdaıy birshama jaqsy, endi eki aıaǵynan turyp ketý úshin kúrdeli operasııa qajet», – deıdi mamandar.
Kúrdeli ota jasatý úshin qyrýar qarajat kerek ekeni túsinikti. Naýqastyń et-jaqyndary jáne dostary, eger árbir azamat óz múmkindiginshe kómek qolyn sozsa, bul qıyndyqty da eńseretinderine senimdi.
Alekseı Nı, G.Polevaıanyń dosy: - Biz, ziltemirshiler osy kúnge deıin Galınaǵa qoldaý kórsetken barsha adamdarǵa alǵys aıta otyryp, áli de múmkindikterińiz bolyp jatsa, kómek kórsetýlerińizdi suraımyz. Eger operasııaǵa qajetti qarjy tabylyp jatsa, bári durys bolady degen oıdamyn.
Ol «Habar» arnasynda júrip qysqy jáne jazǵy olımpıadalardyń basy-qasynan kóptegen reportajdar jasady. Qazaqstandyq sportshylardyń elge tanylýyna úlken úles qosty. Sporttyq jýrnalıstıkada ózindik qoltańbasy bar.
«Mundaı bilikti maman aramyzǵa qaıta oralyp, el sportynyń jetistikterin nasıhattaýy tıis», – deıdi Olımpıada chempıony Jaqsylyq Úshkempirov.
Jaqsylyq Úshkempirov, Olımpıada chempıony: - Qolymnan kelgenshe suhbattasyp, qolymnan kelgenshe oǵan kómektesýge tyrysamyn. Bárimiz de atsalysamyz ǵoı. Kimniń basyna ne kelmeıdi. Sondyqtan da búkil qazaqstandyqtarǵa, búkil jastarǵa, sportshylarymyzǵa aıtarym, qolynan kelgenshe jaqsylyq jasaǵan jaqsy.
Buǵan deıin de Galına Polevaıaǵa arnalǵan kóptegen qaıyrymdylyq is-sharalary ótken bolatyn. Oǵan elimizge belgili sport juldyzdary qatysyp, barlyǵy shyn yqylas-nıetterin bildirip jatty.
Ilıa Ilın, olımpıada chempıony: - Meni Galına Polevaıa arqyly kóp adam estip-bildi. Keıde jarystan keıin suhbat berýge múlde zaýqyń soqpaıdy. О́ıtkeni qatty sharshaısyń. Osyndaı sátterde Galına sportshynyń tilin taba biletin. Onyń osyndaı keremet qasıetteri meniń áli esimde.
Jaqsylyq jasaýǵa asyǵyp turatyn jandar az emes. Qaıyrymdylyq sharalarynyń nátıjesinde 60 myń AQSh dollary kóleminde qarjy jınalǵan. Biraq bul soma kúrdeli operasııaǵa jetkiliksiz kórinedi. Galınanyń týǵan-týystary áli de meıirimdi jandardan úlken úmit kútip otyr.
Jýrnalıstiń januıasy áleýmettik jelide aqsha jınaýdy jalǵastyrýda. Feısbýktegi "Galına Polevaıa ómir súr" jáne Instagram jelisindegi @mama_zhivi paraqshasynda barlyq esepter men alda ótetin jármeńkelerdiń, ózge de is-sharalardyń jospary jáne qajetti rekvızıtter jazylǵan.
Halyk bank (tg): 4390 8722 0191 7707 Kaspi Gold (tg): 5169 4931 6910 9462 Sberbank ($): 5392 1500 0135 2044
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir