• USD 378.65
  • EUR 430.07
  • RUB 6
  • CNY 55.1
21 Tamyz, 07:41:55
Alpınısterdiń naqty qaı jerde ekeni áli belgisiz

05 Maýsym, 2019

Jyl basynan beri qansha adam sýǵa ketti?

Shomylamyn dep baryp, máńgilik mekenge attanyp ketkenderdiń sany artyp keledi. Shomylý naýqany bastalmaı turyp 80-ge jýyq adam ajal qushypty

Qazaqstanda jyl basynan beri 76 adam sýǵa batyp, qaza tapqan. Kúni keshe sý taǵy da eki adamdy jalmady. Bul týraly QR IIM Tótenshe jaǵdaılar komıtetiniń tóraǵasy Vladımır Bekker málimdedi dep habarlaıdy Qamshy.kz aqparat agenttigi.

"Jyl basynan beri 76 adamnyń ómirin, onyń ishinde 40 balanyń sý jalmady. Biz statıstıka júrgizý tásilin ózgerttik. Biz 2019 jyldyń 1-qańtarynan bastap shomylý kezinde ǵana emes, jalpy kez-kelgen jaǵdaıda sýǵa batqandardy esepke aldyq", - deıdi Bekker.

Onyń aıtýynsha, esepteý júıesine ózgeris engizý arqyly aýqymdy júrip jatqan apattyń aldyn alýǵa sharalar qoldanylady.

"Qaza tapqan 76 adamnyń 27-i balyq aýlaý kezinde qaıtys bolǵan. 22 adam shomylý kezinde, 2 adam batyp bara jatqandardy qutqarý kezinde, 2 adam sý qoımalaryndaǵy jumys barysynda jáne 8 bala aryqtar men kishi kanaldarǵa shomylý kezinde qaıtys bolǵan. Aıta ketý kerek, álgi balalardyń barlyǵy ata-ana qaraýynsyz qalǵan kishkentaılar", - deıdi Tótenshe jaǵdaılar komıtetiniń basshysy.

Komıtet basshysynyń málimetine súıensek, kúni keshe eki adam, biri Pavlodar qalasynda, biri Aqmola oblysynda sýǵa batyp ketken.

Qazirgi tańda elimizde 50 myńǵa jýyq sý qoımalary bar. Olar turǵylyqty azamattardyń balyq aýlaý maqsatyna, shomylý maqsatyna, demalys maqsatyna qoldanylady.

Bekkerdiń aıtýynsha, Qazaqstanda qutqarýshy bolyp jumys jasaıtyn adamdardyń sany – 1380 adam. Qajetti mamandardy ár sý qoımasyna bir-birden qoısa da, barlyq sýly aımaqty qamtý múmkin emes. Demek, sý qoımalarynyń 90 paıyzǵa jýyǵy qutqarýshysyz jumys jasaıdy.

Alda shomylý maýsymy kele jatqanyn eskersek, qutqarýshy mamandardyń sanyn arttyryp, sýdaǵy qaýipsizdik sharalarynyń qatańdyǵyn tekserý qajettigi týyndap turǵany baıqalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir