Nur-sultanda kópbalaly analarǵa jańa páterlerdiń sertıfıkaty beriledi

Nur-Sultanda QR Memlekettik rámizder kúnin atap ótý aıasynda qalalyq ákimdik «Kópbalaly otbasy» sanaty boıynsha turǵyn úı kezeginde turǵan otbasylarǵa jalǵa beriletin 150 páterdiń sertıfıkattaryn berýdi bastady dep habarlaıdy Qamshy.kz aqparat agenttigi akimat_nur_sultan paraqshasyna silteme jasap.

Páterlerdi berý eki kezeńnen turady. Onyń alǵashy kezeńinde 17 maýsymǵa deıin qujattar jınaý jáne qabyldaý, al ekinshi kezeńinde 15 shildeden bastap qonystandyrý jumystary júrgiziledi.
⠀
Ákimdikte atap ótkendeı, qabyldanyp jatqan sharalar az qamtylǵan kópbalaly otbasylardyń baspana jaǵdaıyn jaqsartýǵa múmkindik beredi. Bul óz kezeginde qala turǵyndarynyń ál-aýqatynyń joǵarylaýyna septigin tıgizedi.
⠀
Aıta keteıik, búginde elordada 46 myń adam turǵyn úı kezeginde tur. Onyń 3000-nan astamy kópbalaly otbasylar.
⠀
Turǵyn úı kezeginde halyqtyń áleýmettik jaǵynan osal toptaryna jatatyn azamattar tur, olardyń qatarynda kópbalaly analar, turmysy tómen azamattar, múmkindigi shekteýli jandar bar. Elordada osy jyldyń sońyna deıin shamamen 2 myń páter beriledi.
⠀
«Kópbalaly otbasy» sanatynda turǵyn úı kezeginde turǵan kópbalaly otbasylar Nur-Sultan qalasy ákimdiginiń «Turǵyn úı qory» kommýnaldyq memlekettik mekemesine (R.Qoshqarbaev, 39) júginýi tıis, baılanys nómiri: 79-34-50.